پەیامی کورد   ...   ٧٥٠ کارمەندی تەندرووستی ئەمریکا ناڕەزایەتیان دەربڕی بەرامبەر بە لێدوانەکانی ڕۆبەرت ئێف کێنێدی وەزیری تەندرووستی ترامپ

زیاتر لە 750 کارمەندی ئێستا و پێشووی وەزارەتی تەندرووستی ئەمریکا لە نامەیەکی کراوەدا بۆ کۆنگرێس و وەزیری تەندرووستی ڕۆبەرت ئێف کێنێدی جوونیۆر هۆشدارییان دا کە لێدوانەکانی "مەترسیدار و چەواشەکارانە" متمانەی گشتی بە دامەزراوە تەندرووستییەکان تێکداوە و بووەتە هۆی تووندوتیژی دژی کارمەندانی تەندرووستی. نامەکە دوای ئەوە بڵاوکرایەوە کە چەکدارێک تەقەی لە بارەگای ناوەندی کۆنترۆڵ کردن و خۆپاراستن لە نەخۆشییەکانی ئەمریکا (CDC) کردووە و بەهۆیەوە ئەفسەرێکی پۆلیس کوژراوە و سەدان کەسیش برینداربوون.

لە نامەکەدا هاتووە: "کێنێدی ژێرخانی تەندرووستی گشتی ووڵاتەکەی تێکداوە و توانای ئەمریکای خستۆتە مەترسییەوە بۆ ووڵامدانەوەی قەیرانە تەندرووستییەکان بە بڵاوکردنەوەی زانیارییە تەندرووستییە ساختەکان".

بەرپرسان ئاماژەیان بەوەش کردووە، هێرشبەرەکە پێشتر بێ متمانەیی بە ڤاکسینی Covid-19 دەربڕیوە.

واژووکارانی ئەم نامەیە کە لە دامەزراوەکانی وەک سەنتەری کۆنتڕۆڵی نەخۆشی (CDC) و دامەزراوە نیشتمانییە تەندرووستییەکان (NIH) و وەزارەتی تەندرووستی ئەمریکاوە هاتوون، لە نامە کراوەکەیان دا هۆشدارییان داوە کە "ووتاری سیاسی" لە کەرتی تەندرووستی دا بووەتە هۆی زیادبوونی بێ متمانەیی گشتی و تووندوتیژی بەرامبەر بە کرێکاران لەم بوارەدا.