پەیامی کورد   ...   پەیامێک کە لەلایەن پاڤێل دورۆڤ دامەزرێنەری تێلێگرامەوە بە ئەکاونتەکانی تێلێگرامەوە پەیوەندیدارە

من تەمەنم دەبێتە ٤١ ساڵ، بەڵام لە مەزاجێکدا نیم کە ئاهەنگ بگێڕم.

نەوەی ئێمە کاتمان تەواو دەبێت بۆ ئەوەی ئەو ئینتەرنێتە بێبەرامبەرە پاشەکەوت بکەین کە باوکانمان بۆیان درووست کردووین.

ئەوەی ڕۆژێک بەڵێنی ئاڵوگۆڕی ئازادی زانیاری دابوو، ئێستا دەبێتە ئامرازی کۆتایی کۆنترۆڵکردن.

ئەو ووڵاتانەی کە سەردەمانێک ئازاد بوون ئێستا ڕێوشوێنی دیستۆپیایی وەک ناسنامەی دیجیتاڵی (لە بەریتانیا)، پشتڕاست کردنەوەی تەمەنی بەکارهێنەرانی ئۆنلاین (لە ئوسترالیا)، و سکانکردنی بەکۆمەڵ بۆ پەیامە تایبەتەکان (لە یەکێتی ئەوروپا) جێبەجێ دەکەن.

ئاڵمانیا ئەو کەسانە دادگایی دەکات کە دەوێرن بە شێوەی ئۆنلاین ڕەخنە لە بەرپرسانی حکوومەت بگرن. بەریتانیا بەهۆی تویتەکانیانەوە هەزاران کەس زیندانی دەکات. فەڕەنسا بە شێوەیەکی تاوانکاری لێکۆڵینەوە لە سەرکردە تەکنۆلۆژییەکان دەکات کە بەرگری لە ئازادی و تایبەتمەندی دەکەن.

جیهانێکی تاریک و دیستۆپیایی بە خێرایی نزیک دەبێتەوە — لە کاتێکدا ئێمە دەخەوین.
نەوەی ئێمە لە مەترسیدایە کە وەک دوا نەوەی ئازادی هەبێت بچێتە مێژووەوە — و با ئازادی لێبسەندرێتەوە.

درۆمان لەگەڵ کراوە.

ئێمە وامان لێکرا باوەڕمان بەوە هەبێت کە گەورەترین شەڕی نەوەی ئێمە لەناوبردنی هەموو ئەو شتانەیە کە باوباپیرانمان بەجێیان هێشتین: نەریت، تایبەتمەندی، سەروەری، بازاڕی ئازاد، ئازادی ڕادەربڕین.

بە خیانەت کردن لە میراتی باوباپیرانمان، خۆمان خستووەتە سەر ڕێگایەکی لەناوچوون — ئەخلاقی، فیکری، ئابووری و لە کۆتایی دا بایۆلۆژی.

کەواتە نەخێر، من ئەمڕۆ ئاهەنگ ناگێڕم.
کاتم تەواو دەبێت.
کاتمان تەواو دەبێت.