پەیامی کورد   ...   ڕاگەێندراوێک لە هێزەکانی سووریای دیموکرات ەوە

هەسەدە ڕایدەگەێنێت، لەلایەن گروپە چەکدارەکانی سەر بە حکوومەتی سووریا لە دێرەزور هێرش کراوەتە سەر چەند پێگەیەکی ‌هێزەکانیان و تا ئێستاش پێکدادان بەردەوامە.

هێزەکانی سووریای دیموکرات ڕاگەێندراوێکی بڵاوکردوەتەوە و رایگەیاندووە، لە کەناری رووباری فورات لە شارۆچکەی دەرناج لە رۆژهەڵاتی دێرەزور، گرووپەچەکدارەکانی سەر بە حکوومەتی دیمەشق هێرشی راستەوخۆیان کردووەتە سەر هێزەکانیان، ئاماژەیان بەوەش کردووە، بەرپەرچی هێرشەکەیان داوەتەوە و پێکدانەکان هێشتا بەردەوامە.

هەسەدە ئاماژەی بەوەش کردووە، پاپەندبوونیان بە پاراستنی ئاسایش و سەقامگیری ناوچەکە دووپات دەکەنەوە، دەشڵێت، پێویستە حکوومەتی دیمەشق بەرپرسیارانە مامەڵە بکات و رێگە بەو هێرشانە نەدات کە ئارامی ناوچەکە تێکدەدات.