پەیامی کورد   ...   ئەم بڕیارە ئەمڕۆ ڕێکەوتی ٢٠٢٥/٩/١٥ دەکەوێتە بواری جێبەجێ کردنەوە

بەڕێوبەرایەتی هاتووچۆی هەولێر گۆڕانكاری لە بنكەكانی پشكنینی ئۆتۆمبێل دەكات و دەڵێت، گۆڕانكارییەكان لە ئەمڕۆ دووشەممەوە دەكەوێتە بواری جێبەجێكردنەوە".

هاتووچۆی هەولێر لە ئاگادارییەدا بۆ هاووڵاتییان دەڵێت، "لەپێناو بەرژەوەندی گشتی و ئاسانکاری بۆ هاووڵاتییان بڕیارمان دا بە جیاکردنەوەی پشکنینی ئۆتۆمبێلی بەکار نەهاتوو (ژمارە کاتی سفر کیلۆمەتر)ی هاووڵاتییان لە کۆمپانیاکان بەم جۆرەی خوارەوه:-

1-  هەرسێ بنکەی پشکنینی (کەسنەزان ، 32ی پاڕک، گوێر) بەیانیان پشکنینی ئۆتۆمبێلی هاووڵاتییان جۆری (ژمارە کاتی سفر کیلۆمەتر) لێ ئەنجام دەدرێت.

واتە ئۆتۆمبێلی سفر کیلۆمەتری کۆمپانیاکان نابێ لە کاتی دەوامی بەیانیان سەردانی ئەم بنکانەی پشکنین بکەن، بەڵكو تایبەتە بە ئۆتۆمبێلی هاووڵاتییان.

2-  بنکەی 32ی پاڕک لە کاتژمێر (3 تا 6)ی دوای نیوەڕۆ تایبەتە بە پشکنینی ئۆتۆمبێلی ژمارە کاتی سفر کیلۆمەتری کۆمپانیاکان و هاووڵاتییان.

واتە هاووڵاتییان لەو کاتەی بۆ پشکنینی ئۆتۆمبێلی کۆمپانیاکان دیاری کراوە، ئەوانیش دەتوانن دوای نیوەڕۆ ئۆتۆمبێلەکانیان ببەن بۆ پشکنین لە بنکەی پشکنینی 32 پارک، تەنها ئەگەر ژمارە کاتی سفر کیلۆمەتر بێت.

3-  ئۆتۆمبێلی ژمارە کاتی بەکارهاتوو هەر وەک پێشوو لە بنکەی پشکنینی 32ی پاڕک بەیانیان پشکنینی بۆ ئەنجام دەدرێت، ئۆتۆمبێلی ژمارە هەولێری تۆمارکراو لە هەردوو بنکەی کەسنەزان و گوێر پشکنینی بۆئەنجام دەدرێ.

هاتووچۆی هەولێر ئاماژە بەوەش دەكات كە ئەم بڕیارە دووشەممە ڕێکەوتی 15/9/2025 دەکەوێتە بواری جێبەجێکردنەوە.