Bihayê zêr daket!

PeyamaKurd - Bihayê zêr îro ji sedî 0.3 daket, piştî ku roja Duşemê gihîşt asta herî bilind a 4,381 dolarî.

Piştî vebûna bazarên Asyayî, bihayê zêr ji asta herî bilind a hemû deman paşve çû û niha li dora 4,340 dolarî ye.

Bihayê zêr di bazirganiya pêşerojê de jî îro ji sedî 0.1 daket û daket dora 4,356 dolarî.

Tim Waterer, analîstek li şîrketa şêwirmendiyê KCM Trade, li ser vê kêmbûnê şîrove kir û got, "Bihayê zêr ji ber qezenckirina veberhêneran kêm bûye."

Waterer herwiha diyar kir, "Her kêmbûna bihayê di vê heyamê de wekî derfetek kirîna nû tê dîtin heya ku tê payîn ku Banka Navendî ya Dewletên Yekbûyî ya Amerîkayê siyaseta diravî bêtir sivik bike."

Li gorî nîşaneyên bazarê, veberhêner niha bi piranî bawer in ku Banka Navendî ya Dewletên Yekbûyî ya Amerîkayê (Fed) wê rêjeyên faîzê di Cotmeh û Kanûnê de kêm bike.

Tim Waterer şîrove kir, "Ger daneyên kar ên vê hefteyê yên Dewletên Yekbûyî yên Amerîkayê bazarên ecêbmayî nehêlin, bi îhtîmaleke mezin bihayê zêr ê heyî dîsa bilind bibe."

Di vê navberê de, gefa girtina hikûmeta Amerîkayê berdewam dike. Meclîsa Nûneran ji bo cara dehemîn nekarî pêşnûmeqanûna fînansmana hikûmetê bîne dengdanê.

Vê hefteyê, Wezîrê Xezîneyê yê Amerîkayê Scott Bissont jî li Malezyayê bi Cîgirê Serokwezîrê Çînê re hevdîtinê dike, ku tê de têkiliyên bazirganî yên di navbera her du welatan de wê werin nîqaşkirin.