Konseya Ewlehiyê ya Neteweyên Yekbûyî ji bo nirxandina geşedanên dawî yên li Sûriyeyê civiya

PeyamaKurd – Konseya Ewlehiyê ya Neteweyên Yekbûyî doh geşedanên dawî yên li Sûriyeyê nîqaş kir. Cîgirê Sekreterê Giştî yê Neteweyên Yekbûyî Khiarî diyar kir ku pevçûnên li Heseke û Kobaniyê "krîzek mirovî ya xemgîn" afirandiye.

Konseya Ewlehiyê ya Neteweyên Yekbûyî (KENY) li ser geşedanên dawî yên li Sûriyeyê axivî û "krîzek mirovî ya xemgîn" nirxand.

Di axaftina xwe ya vekirinê de, Cîgirê Sekreterê Giştî yê Neteweyên Yekbûyî ji bo Rojhilata Navîn, Asya û Pasîfîkê, Mohamed Khaled Khiarî, geşedanên dawî yên li Sûriyeyê kurt kir û hişyarî û pêşniyar derbarê pêşeroja welêt de pêşkêş kir.

Khiarî destnîşan kir ku pevçûnên di navbera hêzên HTŞê yên ser bi Şamê ve û HSDê de li herêmên Heseke û Kobaniyê berdewam dikin û diyar kir ku "krîzek mirovî ya xemgîn" li van deveran diqewime. Khiarî zêde kir, "Ez dixwazim tekez bikim ku divê hemî alî parastina sivîlan û binesaziya sivîl û gihîştina alîkariya mirovî misoger bikin."

Khiarî fikarên Sekreterê Giştî yê Neteweyên Yekbûyî Antonio Guterres li ser van mijaran vegot û banga wî ya ji bo "rêzgirtina tevahî ya qanûna navneteweyî" parve kir.

"Em fikarên xwe derbarê hebûna şervanên terorîst ên biyanî de parve dikin"

Cîgirê Sekreterê Giştî yê Neteweyên Yekbûyî Khiari, bi tekez kirina ku DAIŞ hîn jî gefê çêdike, got, "Em fikarên xwe yên di derbarê hebûna şervanên terorîst ên biyanî li Sûriyeyê de parve dikin."

Khiari, bi parvekirina agahiyên ku nîşanên revîna hin endamên DAIŞê ji kampên xwe di demên dawî de hene diyar kir ku wan bang li hikûmeta demkî ya Sûriyeyê kiriye ku "baldariya xwe ya tevahî" bide da ku veguhastina rêkûpêk a navendên ragirtinê yên DAIŞê misoger bike.

Khiari destnîşan kir ku ji ber ku pêşketinên krîtîk li Sûriyeyê berdewam dikin, ew dixwazin bibînin ku Ofîsa Nûnerê Taybet ê Sûriyeyê bi "awayekî rêkûpêk û piştgir" li ser erdê beşdarî vê pêvajoyê dibe.