Nûnerê taybet ê Donald Trump, Steve Witkoff ji bo hevdîtinên krîtîk serdana Îsraîlê dike

PeyamaKurd – Steve Witkoff, “nûnerê taybet ê payebilind ê Serokê Amerîkayê Donald Trump”, ji bo pêkanîna zincîre hevdîtinên asta bilind berê xwe dide Îsraîlê.

Li gorî berpirsên payebilind ên Îsraîlî, tê payîn ku serdana Witkoff roja Sêşemê dest pê bike û di çarçoveya vê geştê de ew ê li gel Serokwezîr Benjamîn Netanyahû û Serfermandarê Giştî yê Îsraîlê bicive.

Ev serdana giring di demekê de pêk tê ku rageşiya bi Îranê re gihîştiye asta herî bilind û rêveberiya Trump hewlên xwe yên ji bo “bidawîanîna şerê Xezeyê” zêdetir kirine.

Di hevdîtinan de mijarên wekî pêvajoya agirbestê, fikarên ewlehiyê yên Tel Avîvê û gefên Tehranê dê werin gotûbêjkirin. Washington armanc dike ku bi rêya “hevahengiyeke nêzîk bi Îsraîlê re” aloziyên li Rojhilata Navîn kontrol bike û nexşerêyeke nû ji bo aramiya herêmê ava bike.