Serokwezîrê Iraqê bi Tom Barrack re civiya

PeyamaKurd – Serokwezîrê Iraqê Mihemed Şîa el-Sûdanî pêşwazî li Tom Barrack, Nûnerê Taybet ê Serokê Amerîkayê Donald Trump ê ji bo Sûriyê kir.

Li gorî daxuyaniyek nivîskî ya Ofîsa Çapemeniyê ya Serokwezîrê Iraqê, di civînê de pêşketinên li herêmê, bi taybetî rewşa dawî ya li Sûriyeyê, hatin nirxandin.

Sudanî tekez kir ku "ewlehiya li Sûriyeyê ji bo Iraq û herêmê pir girîng e, û girîngiya hevkariyê ji bo misogerkirina aramiyê û parastina yekparçeyiya axa Sûriyeyê destnîşan kir."

Di daxuyaniyê de hat zêdekirin ku "Serokwezîrê Iraqê bal kişand ser hevkariya avaker a di navbera welatê xwe û Amerîkayê de di şerê li dijî terorê de, xurtkirina hevkariya aborî, pêşkeftina domdar, û girîngiya hewldanên dualî û herêmî yên ku piştgiriyê didin serfiraziya Iraq û herêmê."

Nûnerê Taybet ê Serokê Amerîkayê Trump ê ji bo Sûriyeyê Barrack, spasiya Trump ji Serokwezîr Sudanî re ji bo hewldanên hikûmeta Iraqê yên ji bo piştgiriya aramiya herêmî û polîtîkayên ku Iraq di vê serdema hesas de dimeşîne, ragihand.

Barrack pesnê kiryarên Sûdanî û performansa hêzên ewlehiyê yên Iraqê di şerê li dijî terorîzmê de da, û destnîşan kir ku vebûna Iraqê ji bo veberhênanên navneteweyî û avakirina hevgirêdayîbûna aborî hêmanên girîng in ji bo aramiya herêmî.