Trump: Em bi awayekî çalak bi Îranê re danûstandinan dikin

PeyamaKurd - Serokê Amerîkayê Donald Trump diyar kir ku Îran dixwaze bi wan re peymanekê bike û got, "Em niha bi Îranê re danûstandinan dikin."

Trump di merasîma îmzekirina budçeya demkî de li Ofîsa Oval pirsên rojnamevanan li ser mijarên rojane bersivand.

Trump diyar kir ku pêvajoya danûstandinan bi Îranê re berdewam dike û tekez kir ku rêveberiya Tehranê dixwaze bi Amerîkayê re peymanekê bike.

Serokê Amerîkayê got, "Em ê bibînin ka tiştek dikare (bi Îranê re) were kirin. Berî demekê derfetek wan hebû ku peymanekê bikin, lê ew çênebû. Ew dixwazin danûstandinan bikin. Em niha bi wan (Îranê) re danûstandinan dikin."

Trump ji bersiva pirsek li ser cihê ku danûstandinên bi Îranê re wê pêk werin dûr ket.