Li Brezîlyayê qeza: 16 mirî, 44 birîndar

PeyamaKurd – Qezayek otobusê li bakurê rojhilatê Brezîlyayê bû sedema mirina 16 kesan û birîndarbûna 44 kesan.

Li gorî medyaya Brezîlyayê, otobusa ku ji eyaleta Ceara vedigeriya, li nêzîkî bajarê São José de Tapera li ser rêya AL-220 wergeriya.

Di qezayê de 16 kes, ku çar zarok jî di nav de bûn, mirin û 44 kesên din jî birîndar bûn, hin ji wan bi giranî.

Birîndar rakirin nexweşxaneyên nêzîk û lêpirsînek ji bo diyarkirina sedema qezayê hatiye destpêkirin.

Li gorî agahiyan, otobus kesên ku beşdarî Cejna Candelaria ya Xatûna me li eyaleta Ceara bûbûn, dibir.

Parêzgarê eyaleta Alagoas Paulo Dantas li eyaletê sê roj şîna neteweyî ragihand.