Yekîtiya Ewropayê Rûsya xist lîsteya xwe ya res

PeyamaKurd – Yekîtiya Ewropayê ji ber kêmasiyên stratejîk ên di hewildanên wê yên ji bo têkoşîna li dijî şûştina pereyan û fînansekirina terorîzmê de, Rûsyayê wekî welatekî xetereya bilind dabeş kiriye.

Komîsyona Ewropayê ragihand ku Rûsya ji bo xurtkirina têkoşîna navneteweyî ya li dijî sûcên darayî li lîsteya dadweriyên xetereya bilind hatiye zêdekirin.

Di daxuyaniyê de hat destnîşankirin ku Komîsyona YE nirxandinek teknîkî pêk aniye ku daneyên ji çavkaniyên giştî, rayedarên pêwendîdar ên dewletên endam û Xizmeta Çalakiya Derve ya Ewropayê berhev kirine. Di daxuyaniyê de hat gotin, "Ev nirxandin gihîşt wê encamê ku Rûsya pîvanên ji bo destnîşankirina wekî welatekî sêyemîn ê xetereya bilind pêk tîne."