DYA: Tenê çend roj mane ku Hamas agirbestê qebûl bike!
PeyamaKurd - Wezîrê Derve yê DYAyê Marco Rubio diyar kir ku Îsraîl bombebarana bajarê Xezzeyê didomîne û dem ji bo Hamasê ku peymana agirbestê qebûl bike diqede.
Rubio dema ku ji Îsraîlê ber bi Qeterê ve diçû, bi rojnamevanan re axivî û got, "Îsraîliyan li wir dest bi operasyonan kirine. Ji ber vê yekê, em bawer dikin ku demek pir kurt heye ku peymanek çêbibe. Êdî me meh tune ne; dibe ku tenê roj hebin, dibe ku çend hefte."
Di vê navberê de, li gorî Jerusalem Post, Artêşa Îsraîlê êrîşeke nû ya bejayî li dijî bajarê Xezzeyê daye destpêkirin.
