110 TIR alavên leşkerî û lojîstîk derbasî Rojava bûn
PeyamaKurd- Hevpeymaniya Navdewletî ya Amerîka pêşengiya wê dike, bi dehan barhilgirên bi alavên leşkerî û lojîstîkî barkirî derbasî bingehên xwe li Rojavayê Kurdistanê kir.
Çavdêriya Mafên Mirovan a Sûriyê (SOHR) ragihand, ji destpêka meha Îlonê ve Hevpeymaniya Navdewletî 107 barhilgirên barkirî bi alavên leşkerî û lojîstîkî ji Herêma Kurdistanê bi rêya dergehê Welîd derbasî bingehên xwe li Rojavayê Kurdistanê kiriye.
SOHRê diyar kir ku ji bilî 107 barhilgiran, 3 balafirên barhilgir jî gihiştine bingehên herêmê.
Herwiha hate diyarkirin ku di meha Îlonê de hêzên Hevpeymaniyê hejmarek operasyonên ewlehiyê ligel HSDê encam dane û bi dehan kesên bi ser Rêxistina DAIŞê ya terorîst ve girtine.
Ev nivîs 79 car hatiye xwendin.
