Îsraîl: Operasyona leşkerî li Xezzeyê nêzîkî dawiyê dibe
PeyamaKurd – Wezîrê Parastinê yê Îsraîlê Yisrael Katz doh got ku şerê niha yê Îsraîlê li Xezzeyê ber bi dawiyê ve diçû û tê ragihandin ku hejmara miriyan li Xezzeyê doh gihîştiye herî kêm 100 kesan.
Katz hefteyek piştî bidawîbûna şerê kurt ê bi Îranê re got, "Em nêzîkî dawiya operasyona li Xezzeyê ne."
Katz armancên Îsraîlê di pevçûnê de dubare kir, ku tê de serbestberdana hemî rehîneyan û têkbirina Hamasê hene.
Serokê Amerîkayê Donald Trump di dawiya hefteyê de hêviya xwe anî ziman ku di demek nêzîk de li Xezzeyê agirbestek çêbibe.
