BCF alîkarî ji bo mexdûrên lehiyê yên li Çemçemalê sand

PeyamaKurd – Weqfa Alîkariyê ya Barzanî (BCF) pakêtên alîkariyê şandin kesên ku li navçeyên Leylan û Çemçemalê ji lehiyê zirar dîtine.

Endamê Lijneya BCFê Îsmaîl Ebdulezîz roja Çarşemê, 10ê Kanûna Pêşîn a 2025an ji K24ê re got, "Li gorî talîmatên Serok Barzanî, tîmên me niha alîkariyê ji bo mexdûrên lehiyê yên li herêma Çemçemalê dişînin."

Îsmaîl Ebdulezîz destnîşan kir ku tîmên rizgarkirinê yên awarte çûne herêmê û got ku piştî lêkolînên nirxandina zirarê, tîm wê malbatên ku ji lehiyê zirar dîtine tomar bikin da ku alîkariya pêwîst bigihîje wan.

Li gorî Ebdulezîz, 10 kamyon alîkarî ji herêmê re hatine şandin, di nav de cil, kelûpelên malê, xwarin û pêdiviyên bijîşkî hene.

Îsmaîl Ebdulezîz got jî, "Îro sibê em ê xwarinê ji mexdûrên lehiyê yên li Çemçemalê re belav bikin; em ê di xizmeta welatiyan de bin heya ku ew hewceyî me bin."