Ayşegul Dogan: Li Herêma Kurdistanê wê gaveke dîrokî pêk were
PeyamaKurd- Berdevka Partiya Wekhevî û Demokrasiyê (DEM Partî) Ayşegul Dogan, li Navenda Giştî ya partiya xwe derbarê pêvajoyê de daxuyanî da rojnamevanan.
Dogan diyar kir ku ew di hefteya bê de li ser bêçekkirina PKKê li Herêma Kurdistanê pêşketinekê hêvî dikin û anî ziman ku beriya vê pêşketinê, ew li benda peyameke ji Rêberê PKKê Abdullah Ocalan in ku li Îmraliyê tê ragirtin.
Dogan bersiv da pirsên rojnamegeran û got: "Ji hin daxuyaniyên rayedarên dewletê, hem ji daxuyaniyên Serokomar Erdogan û Cîgirê Serokomar, hem jî ji daxuyaniyên berdevkên partiyan û bêguman rêveberên rêxistinê, em ji agahiyên ku bi me re hatine parvekirin dibînin ku di rojên pêş de ji bo pêvajoya bêçekkirinê amadekarî ji bo avêtina gaveke girîng û dîrokî tên kirin. Ango, ji wan kesên ku van pirsan ji me dikin, ez ji vir dubare dikim. Ez dikarim bibêjim... Belê, em derbasî qonaxeke nû dibin. Li gorî agahiyên ku bi me re hatine parvekirin, em ê di nav hefteyekê de bi hin gavan re bibin şahidê kêliyeke dîrokî."
Dogan herwiha destnîşan kir ku li gorî agahiyên bi wan re hatine parvekirin, gelek pirs derbarê cihê vê geşedanê de tên kirin û nûçe jî hene. "Teyîdkirina rasterast a vê yekê tenê bi daxuyaniyên aliyan mimkun e. Em wekî DEM Partî, agahiyên ku bi me re hatine parvekirin bi we re parve dikin. Ev gaveke dîrokî ye ku tê plankirin li Herêma Kurdistanê pêk were. Û ev gav dê li gorî biryarên kongreyê bê avêtin".
Ev nivîs 118 car hatiye xwendin.
