Nêçîrvan Barzanî bi parêzgerê Şirnexê û heyeta pê re hevdîtin kir
PeyamaKurd – Serokê Herêma Kurdistanê Nêçîrvan Barzanî parêzgerê Şirnexê Birol Akıcı û heyeta pê re qebûl kir. Li ser masê mijarên wekî bazirganiyê, geştiyarî û hevkariya akademîk û çabdî hebûn.
Di heyeta parêzgerê Şirnexê de, serokê oda bazirganiya Şirnexê û serokê oda bazirganiya Cizîrê hebûn. Li gor ragihandina serokomariya Herêma Kurdistanê; di hevdîtinê de parêzgerê Erbîlê û balyozê Tirkiyê yê Erbîlê jî amade bûn.
Di civînê de li ser mijarên têkiliyên navbera Herêma Kurdistanê û Tirkiyê, zêdekirina hecma bazirganî, aborî, seha akademik û hevkariya di seha çandê de, bi hûrahî li ser wan axifîn.
Bandora pêvajoya aştiya herêmê li ser geşepêdanê û bi sedema Şirnex nêzî herêma Kurdistanê ye, rewşa balafirgeha Şirnexê ji bo kesên diçin Herêma Kurdistanê girîngiya wê gotûbêj kirin û daxwaza firehkirina kapasîta wê kirin.
Ev nivîs 86 car hatiye xwendin.
