سبەی ئەنجوومەنی وەزیران لە گراند سیرایل کۆدەبێتەوە، کە پێشبینی گەڕانەوەی تۆماس باراک نوێنەری ئەمریکا بۆ بەیروت لە نیوەی دووەمی ئەم مانگەدا دەکرێت. مۆرگان ئۆرتاگۆس نێردەی پێشووی لەگەڵدا دەبێت. دوای ئەوەش شاندێکی فەرەنسا سەردانی دەکات.

ئەمڕۆ شاندێکی قەتەری دەگاتە ئەو وڵاتە بۆ گفتوگۆکردن لەسەر پاڵپشتی بۆ سوپا و پڕۆژەکانی وزە. ڕاپۆرتەکان ئاماژە بەوە دەکەن کە ئۆرتاگۆس لە ٢٤ی ئەم مانگەدا دەگەڕێتەوە و بە یاوەری سیناتۆری کۆمارییەکان لیندسی گراهام و سیناتۆری دیموکرات جین شاهین. ئەم کۆبوونەوانە بەشێک دەبن لە کۆبوونەوە سیاسی و ئابوورییەکانی پەیوەست بە جێبەجێکردنی بڕیاری حکومەت بۆ سنووردارکردنی چەک لە دەوڵەت و دڵنیابوون لە پابەندبوونی ئیسرائیل بە مەرجەکانی ئەمەریکا.

لەڕووی سیاسییەوە پەیوەندییەکانی نێوان بەعبدە و عەین ئەلتین دەستیپێکردووەتەوە، لەکاتێکدا لەگەڵ حزبوڵڵای لوبنان کە بە چەکەکانیەوە چەسپاوە و لە حکومەتدا ماوەتەوە. سەرۆک جۆزێف عەون بەردەوامە لە هەماهەنگی لەگەڵ سوپا بۆ داڕشتنی پلانی جێبەجێکردنی بڕیارەکە پێش کۆتایی مانگ، ئەمەش لەکاتێکدایە نیگەرانی ناوخۆیی لەبارەی دوورکەوتنەوە لە هەر پێکدادانێک و بانگەوازی کۆنترۆڵکردنی گوتاری سیاسی تا دەرئەنجامی بزووتنەوەی نێودەوڵەتی.

لەبەرامبەردا سەفەری عەلی لاریجانی سەرۆکی پەرلەمانی ئێران بۆ بەیروت پەیامێکی سیاسی توندی هەڵگرتبوو.

زۆر کەس وەک تەحەدایەک بۆ بڕیارەکەی حکومەت و پێداگری ئێرانیان لەسەر پاراستنی حزبوڵڵا وەک هێزێکی چەکداری هاوتەریب لەگەڵ دامەزراوە سەربازییەکە سەیریان دەکرد.

ڕەتکردنەوەی سەردانەکە تەنیا لە نەیارانی میحوەری تاران سنووردار نەبوو؛

هەروەها کەسایەتییە سەربەخۆکان و بازنەکانی کۆمەڵگەی مەدەنی لەخۆگرتبوو، کە وەک سووکایەتییەکی ڕاستەوخۆ بە دەوڵەت و دەستوەردان لە بڕیاردانی سەروەری سەیری دەکرد. ئەوان بە بانگەوازێکی بەئاگابوونەوەیان زانی کە پێویستە لوبنانییەکان هەنگاو بنێن بۆ بەرگریکردن لە بڕیارە نیشتمانییەکانیان.

 

---

لینا ڕەشید / لوبنان

ئەم بابەتە 460 جار خوێندراوەتەوە