پەیامی کورد   ...   کۆشکی سپی بەیاننامەیەک بڵاودەکاتەوە کە لە میسر واژوو کراوە

🔸بەپێی بەیاننامەیەکی هاوبەش کە کۆشکی سپی بڵاویکردۆتەوە، ئەمریکا، قەتەر، میسر و تورکیا پابەندن بە چارەسەرکردنی ناکۆکییەکانیان لەڕێگەی دیپلۆماسییەوە.

🔸هەروەها بەڵگەنامەکە جەخت لەوە دەکاتەوە کە ئەگەر ئاسایشی فەلەستینییەکان و ئیسرائیلییەکان مسۆگەر بکرێت، دەتوانرێت ئاشتییەکی هەمیشەیی بەدی بهێنرێت. هەروەها واژووکاران دان بەوەدا دەنێن کە نابێت ڕۆژهەڵاتی ناوەڕاست بکێشرێتە ناو ململانێ و “جێبەجێکردنی هەڵبژێردراوی مەرجەکانی ئاشتی”.

🔸سەرکردەکانی ئەمریکا، میسر، قەتەر و تورکیا ڕۆژی دووشەممە لە کۆبوونەوەی لووتکەی شەرم شێخ ڕێککەوتنی ئاشتییان لە کەرتی غەززە واژوو کرد. دۆناڵد ترامپ، سەرۆکی ئەمریکا، بە “گەورەترین و ئاڵۆزترین ڕێککەوتنی تا ئێستا” ناوی بردووە. لای خۆیەوە عەبدۆلفەتاح سیسی سەرۆکی میسر ڕێککەوتنی غەززەی بە بڕگەیەکی مێژوویی وەسف کرد.