به‌هێزكردنی ژێرخانی دیجیتاڵی له‌ کابینەی نۆیەم

پەیامی کورد   ...   به‌هێزكردنی ژێرخانی دیجیتاڵی له‌ کابینەی نۆیەم

شان بەشانی پێشکەوتنەکانی جیهان، کابینەی نۆیەم بۆ بە ئەلیکترۆنیکردنی کاروبارەکانی حکوومەت وەرچەخانی دیجیتاڵی ڕاگەیاند. کە بۆ کەم کردنەوەی ڕۆتین و بە دجییتاڵ کردنی کەرتی بانکی، چەندین پڕۆژەی جێبەجێکردووە. 

ئه‌و دامه‌زاروانه‌ی كراونه‌ته‌وه‌ سیسته‌می دیجیتاڵی بریتین لە: 

یه‌كه‌م: ئه‌پلیكه‌یشتنی KRDPASS  ئه‌پی فه‌رمی باوه‌ڕپێكراوی حكوومه‌تی هه‌رێمی كوردستانه،‌ بۆ به‌رده‌ست خستنی پێناسی دیجیتاڵی و خزمه‌تگوزایه‌ حكوومییه‌كان به‌دیجیتاڵی، بۆ هاووڵاتیانی كوردستان و ئه‌و بیانیانه‌ی نیشته‌جێی كوردستانن.

دووه‌م: ده‌روازه‌ی حه‌ج سیسته‌مێكه‌ بۆ پێشكه‌ش كردنی داواكاری ئەو کەسانەی خوازیارن فەریزەی حەج ئەنجامبدەن. هەر لە ڕێگەی ئەم ئەپڵیکەیشنەوە دەتوانرێ پرۆسه‌ی ووردینی و تیروپشك بۆ فه‌ریزه‌ی حه‌ج ئەنجامبدرێ.

سێیه‌م: سیسته‌می به‌ڕێوه‌بردنی به‌ڵگه‌نامه‌كان (دی. ئێم. ئێس)، سیسته‌مێكه،‌ بۆ به‌رێوه‌بردنی نووسراوه‌ فه‌رمیه‌كان، به ‌دیجتاڵكردنی ئاڵوگۆڕكردنی پرۆسه‌ی ناردن و وه‌رگرتنی نووسراو له‌نێوان دامه‌زاروه‌ فه‌رمیه‌كانی حكوومه‌ت دا.

چواره‌م: پۆرتاڵ و سیسته‌می پڕۆژه‌ی ڕووناكی، بریتییه‌ له‌ پۆرتاڵی پێدانی زانیاری له‌سه‌ر كاره‌بای ٢٤ كاتژمێری و سیسته‌می كۆكردنه‌وه‌ی زانیاری هاوبه‌شانی كاره‌با.(كه‌ی.وای.سی).

پێنجه‌م: سیسته‌می ناوه‌ندی مووچه‌، (په‌یرۆل)، سیسته‌مێكه‌ بۆ به‌ڕێوه‌بردنی دۆسه‌ی كه‌سی و مووچه‌ی مووچه‌خۆرانی حكوومه‌تی هه‌رێمی كوردستان.

شه‌شه‌م: پۆرتاڵ و سیسته‌می پڕۆژه‌ی هه‌ژماری من، پڕۆژه‌یه‌كی حكوومه‌تی هه‌رێمی كوردستانه‌، بۆ به‌ده‌ستهێنانی پشتگیری دارایی، له‌ڕێگه‌ی به‌بانكی كردنی مووچه‌ی مووچه‌خۆران.

حه‌وته‌م: سیسته‌می سكاڵای هاووڵاتیان، بۆ گه‌یاندنی ده‌نگی هاووڵاتیان و سكاڵاو سه‌رنجه‌كانیان بۆ دامه‌زاروه‌كانی حكوومه‌ت و گرفته‌كانیان.

هه‌شته‌م: سیسته‌می تۆماركردنی دامه‌زاروه‌ بازرگانییه‌كان، پۆرتاڵێكه‌ بۆ تۆماركردنی كۆمپانیاكان، ناوی و بازرگانی و پیشه‌كان و به‌رده‌ست خستنی گشت مامه‌ڵه‌ په‌یوه‌ندی داره‌كان به‌شێوه‌یه‌كی دیجیتاڵی.

نۆیه‌م: پۆرتاڵی (سه‌ردان ڤیزه‌ی ئه‌لكترۆنی)، پۆرتاڵی داواكردنی ڤیزه‌ی ئه‌لكترۆنییه‌ بۆ هه‌رێمی كوردستان.

ده‌یه‌م: سیسته‌می دیجیتاڵی كۆنترۆڵكردنی خاڵه‌ سنووریه‌كان، كه‌ ئه‌مانه‌ن (به‌ڕێوه‌بردنی هاتن و چون له‌ سنووره‌كان، به‌ڕێوه‌بردنی زانیاری ده‌سته‌به‌ر، تۆماری نیشتیمانی ڕاگیراوان، به‌ڕێوه‌بردن و پێدانی ڤیزه‌).

یانزده‌: سیسته‌می یه‌كه‌ كارگێڕییه‌كان، سیسته‌مێكه‌ بۆ به‌ڕێوه‌بردنی زانیاری و په‌یكه‌ری یه‌كه‌ كارگێڕیه‌كانی حكوومه‌تی هه‌رێمی كوردستان.

دوانزه‌: سیسته‌می به‌ڕێوه‌بردنی یه‌كه‌ ژمێریاریە‌كان، سیسته‌مێكه‌ بۆ به‌ڕێوه‌بردنی زانیاری و په‌یكه‌ری یه‌كه‌ ژمێریاریه‌كانی حكوومه‌تی هه‌رێمی كوردستان.

سیازده‌: سیسته‌می به‌ڕێوه‌بردنی دارایی كوردستان، سیسته‌مێكه‌ بۆ به‌ڕێوه‌بردنی خه‌رجییه‌كانی داموده‌زگاكانی حكوومه‌تی هه‌رێمی كوردستان، به‌شێوه‌یه‌كی دیجیتاڵی بۆ پاراستنی خه‌رجی گشتی و چه‌سپاندنی شه‌فافیه‌ت.

چوارده‌م: سیسته‌می نوێكردنه‌وه‌ی زانیاری بریتییه‌ له‌، سیسته‌مێك كه‌ دابینكراوه‌ بۆ سه‌رجه‌م به‌ڕێوه‌به‌رایه‌تییه‌كانی ڕاگەیاندنی داموده‌زگاكانی حكوومه‌ت، بۆ ناردنی زانیاری و داتاكانیان بۆ پۆرتالی فه‌رمی حكوومه‌ت.

پانزه‌م: پۆرتالی فه‌رمی حكوومه‌تی هه‌رێمی كوردستان، کە ماڵپه‌ری فه‌رمی حكوومه‌تی هه‌رێمی كوردستانه،‌ كه‌ ته‌واوی زانیاری و كاروچالاكی حكوومه‌تی هه‌رێمی تێدایه‌.

شازده‌‌م: سیسته‌می زانیاری دانیشتوان، کە بریتییه‌ له‌ دوو سیسته‌م شوناسی دیجیتاڵی ناسینه‌وه‌ی دیجیتاڵی.

حه‌ڤده‌م: دۆمێنی (كه‌ی. ئار. دی)، دۆمینێكه‌ ئاست به‌رزی كوردییه‌. كه‌ نوێنه‌رایه‌تی كوردستان ده‌كات له‌ جیهانی ئه‌لكترۆنی دا.

هه‌ژده‌م: پۆرتالی كار، سیسته‌مێكه‌ بۆ خاوه‌ن كاران، هەتا هەلی كاری خۆیانی تێدا ڕابگه‌یه‌نن. كارخوازانیش به‌پێی بوونی ئه‌زموون و شاره‌زایی، ده‌توانن كاری دڵخوازی خۆیانی تێدا بدۆزنه‌وه‌.