نێچیرڤان بارزانى : خه‌باتى پارتى بۆ كوردستان و هه‌موو عێراقه
پەیامی کورد ... نێچیرڤان بارزانى : خه‌باتى پارتى بۆ كوردستان و هه‌موو عێراقه
هه‌ینى 2025/10/24 نێچیرڤان بارزانى، بۆ بانگه‌شه‌ى هه‌ڵبژاردنى ئه‌نجوومه‌نى نوێنه‌رانى عێراق، له‌گه‌ڵ ژماره‌یه‌كى زۆرى ڕێكخستنه‌كانى پارتى دیموكراتى كوردستان له سنوورى نه‌ینه‌وا له دهۆك كۆبووه‌وه.
له ووته‌یه‌كدا باسى له گرینگی سنوورى نه‌ینه‌وا ل هه‌ڵبژاردنه‌كاندا كرد كه له هه‌موو پێكهاته ئایینى و نه‌ته‌وه‌یییه‌كان پێك دێت و نموونه‌ى عێراقێكى بچووك كراوه‌یه، هه‌روه‌ها تیشكى خسته سه‌ر به‌رنامه و ئامانجى پارتى له خولى داهاتووى ئه‌نجوومه‌نى نوێنه‌رانى عێراق دا.
ئه‌مه ده‌قى ووته‌كه‌یه:
هه‌ڤالێت هێژا،
ئاماده‌بوویێت خۆشتڤى،
ئێڤار باش،
هوین هه‌مى گه‌له‌ك ب خێر بێن سەر چاڤا و سەر سەرا.
دێ بێژمە خوشك و برا یێت مە یێت عەرەب ئەوێت دگەل مەدا ئەڤرۆ بەشدارن لێرە، دێ بێژمێ:
اهلا وسهلا بكم بین اهلكم فی اقلیم كوردستان العراق، اهلا وسهلا.
خۆشحاڵم كو پێكڤه‌ینه، دا به‌حسێ گرینگیا هه‌لبژارتنێ بكه‌ین، بتایبه‌تى هەڵبژارتن ل سنوورێ نەینەوا، چونكى هوین نوینه‌رێت سنووره‌كێ گەلەك گه‌له‌ك گرنگن، هه‌م بۆ هه‌رێما كوردستانێ، هه‌م بۆ عێراقێ.
نه‌ینه‌وا سنووره‌كێ تایبه‌ت و گرنگه. یێ تایبه‌ته ب هه‌بوونا ده‌وله‌مه‌ند یا هه‌مى پێكهاتا یێت دینى و هەروەسا پێكهاتێت نه‌ته‌وه‌یى، دیسا فرەهییا سنوورێ خۆ. مووسیل، شنگال، سنوون، ده‌شتا نه‌ینه‌وا، ته‌له‌عفه‌ر، زوممار ره‌بیعه، ئه‌لقووش خه‌تارێ، مه‌هه‌تێ، شێخان، باشیكێ مه‌خموور و گه‌له‌ك جهێت دى ژى.
سنووره‌كێ ده‌وله‌مه‌نده ب هه‌مى دین و نه‌ته‌وا: عه‌ره‌ب، كورد، توركمان، شه‌به‌ك موسلمان، مه‌سیحى، ئێزدى، كاكه‌یى كو ئەڤە هەمی ل ڤى سنوورێ جوگرافی دژین كو ب ڕاستی عێراقەكا بچووكە. ئەڤ سنوورێ وە تەعبیرە ل عێراقەكا بچووك.
ئه‌ڤ سنووره و ژینگه‌ها وى، مه‌یدانه‌كا مه‌زن یا مونافه‌سێیه. هه‌مى حزب و لایه‌نێت عێراقى و كوردستانى، مونافه‌سێ لسەر ڤى سنوورێ جوگرافی دكەن. ڕكه‌به‌رى ل ڤى سنوورى گه‌له‌كا بهێزه. سنووره‌كێ گرنگه، چونكى ئێكە ل پارێزگەهێت مەزن یێت عێراقێ، سنوور ژی یێ هەی دگه‌ل هه‌رێما كوردستانێ.
چه‌ندین ده‌ڤه‌رێت وێ ئەون یێت كو ماددا سەد و چل یا دەستووری كو هەتا ڤێ گاڤێ مخابن نەهاتییە جیبجی كرن. پەیاما مە ئەڤرۆ چییە؟ ئەم یێت لێرە كۆمبووین مە ئێك پەیام یا هەی، بەری نۆكە ژی كاك نەوزادی ئیشارەت پێدا و من دڤێت جارەكا دی تەئكیدێ بكەم، پەیاما مە ئه‌وه: پارتی دڤێت حزبا ئێكەم بیت ل نەینەوا.
هندى پارتى ل ڤێ دەڤەرێ یا بهێز بیت، حزوورا پارتى ل به‌غدا دێ یا بهێزتر بیت. هه‌بوونا بهێز یا پارتى ل به‌غدا، بۆ چییە؟ بۆ هه‌ڤسه‌نگیێیە، بۆ پێكڤه‌كاركرنێیە، بۆ به‌رژه‌وه‌ندیا سنوورێ نه‌ینه‌وا و به‌رژه‌وه‌ندیا هه‌رێما كوردستانێ و بەرژەوەندیا هەمی عێراقێ باشتره. بۆ پاشەڕۆژا مللەتێ مە، بۆ پاشەڕۆژا عێراقێ، دڤێت پارتی حزبا ئێكەم بیت ل نەینەوا و ئەڤە سۆزا مەیە ل هەلبژارتنا.
هەڤالینە،
ئه‌زموونێ یێ سه‌لماندى كو ل هه‌ر جهه‌كى پارتى یا بهێز بیت، پێكڤه‌ژیان ل وی جهی یا هەی، قه‌بوولكرنا ئێكودو بهێزترە. وەختێ پارتی یا بهێز بیت، قەبوولكرنا ئێكودو و پێكڤەژیان ژی بهێزترە. ل هه‌ر جهه‌كى پارتى یا بهێز بیت، ئارامى و ئاڤه‌دانى یا هەی. مه‌ده‌نیه‌ت و پێشكه‌فتن یا هەی.
ژبه‌ر هندێ به‌رى كو به‌رژه‌وه‌ندیا پارتى بیت، به‌رژوه‌ندیا پارێزگەها نه‌ینه‌وایه كو پارتى ل ڤى سنوورى یا بهێز بیت. به‌رژەوە‌ندیا پێكهاتایە، پێكهاتێت دینى، پێكهاتێت نه‌ته‌وه‌یى كو پارتى ل نه‌ینه‌وا یا بهێز بیت.
بارەكێ گران یێ لسەر ملێ هەوە هەی، ئەڤ باره یێ گرانه. پێویستە ئه‌م بۆ حزبا خۆ ل ڕۆژا 11/11 هەمی ڤێكڕا بچینە سەر سندوقێت دەنگدانێ و دەنگێ بدەینە لیستا 275 یا پارتی دیموكراتی كوردستان.
هەڤالینە،
هەرگاڤ ل هەر مەجلس و ڕوونشتنەكا مە كو بەحسێ مویسل و نەینەوا دهێتە كرن، ئەڤە بەشەكێ گرنگ یێ دیرۆكا مەیە. قەهرەمانێت گەلەک مەزن ژ مویسل و پارێزگەها نه‌ینه‌وا هەرگاڤ دناڤ ڕەف و چەپەرێت پێشمەرگەیدا بوونە.
دڤێت پێکڤەژیانا كو ل مویسل هەبوو، یا بەردەوام بیت، ئەڤ پێكڤەژیانە یا گرنگە بۆ هەرێما كوردستانێ، پێویستە یا بەردەوام بیت، هیچ گرووپ و لایەنێت دی یێت سیاسی حەقی نەدەتە خۆ ڤێ پێکڤەژیانێ، ئەڤا كو ل مویسل هەی تێکبدەت.
دگه‌ل ڤێ هه‌مه‌ڕه‌نگیا نه‌ته‌وه‌یى و دینى یا مویسل، ئه‌م دزانین ئه‌ركێ هه‌وه ل سنوورێ نه‌ینه‌وا گه‌له‌ك گرانتره، بزه‌حمه‌تره، ژبه‌ر هندێ دڤێت هوین وه‌كى هه‌مى جارا هێز و شیانا خۆ ئیسبات كه‌ن. مه باوه‌رییه‌كا مه‌زن یا هەی ب دلسۆزیا هەوە، ب پشتەڤانیا هەوە، ب خۆڕاگرییا هەوە، ب بەردەوامییا هەوە دێ لیستا 275 یا پارتی دیموكراتی كوردستان ب ئانه‌هیا خودێ بەرەف سەركەفتنەكا مەزن بەن.
دڤێت سۆزەكێ بدەینە شەهیدێت خۆ، سۆزەكێ بدەینە پێشمەرگێت خۆ یێت قەهرەمان ئەڤێت كو ماندی بووی، ئەم سۆزێ بدەینێ و بێژینە وان سۆز بیت ڕۆژا 11ێ هەیڤێ ب ئێك ئیرادە و ب ئێك دەنگ هەمی ڤێكڕا، عەرەب، توركمان، ئێزدی، شەبەك، مەسیحى و موسلمان، ئەم هەمی ڤێكڕا دێ چینە سەر سندۆقێت دەنگدانێ و دێ دەنگێ دەینە لیستا 275 یا پارتی دیموكراتی كوردستان،
سۆز؟
دوهی وەختێ ئەم ل ڤێرە بووین، من زۆر دیتن هەمیا نڤیسیبوو ئێك ملیۆن، هەوە شۆلا من ب ساناهیتر ئێخست و دوهی ژی من گۆتە وان: باشە ئەگەر هون ئەڤە بن و ڤێ بزانن و ب ڤێ حەماس و هێزێ بچنە هەلبژارتنێ، پێدڤیە ئەز هەر بچمە دەرڤە، تەمام هەوە شۆلا خۆ كر، دەست خۆش.
هەڤالینە،
ئەڤ هەلبژارتنە بۆ چ یا گرنگە؟ دا ئەز بەحسێ گرنگییا ڤێ قۆناغا دیرۆكی یا عێراقێ بۆ هەوە بكەم. دا ڤەگەڕینەڤە ساڵا 2003ێ وەختێ عێراق هاتییە ئازادكرن. مە وەكی كورد ڕۆڵەكێ سەرەكی هەبوو ل ئازادكرنا عێراقێ. پارتی، سەرۆكی پارتی، سەركردایەتییا پارتی، ڕۆڵەكێ بنگەهین هەبوو ل نڤیسینا دەستوورێ عێراقێ. دەستوور هاتە نڤیسین و پشتی هنگی عێراق كەفتە قۆناغەكا دی یا بێ سه‌قامگیریێ و یا ئالۆزیێ د ناڤخۆدا، پشترا شەڕێ داعشێ ژی هاتە سەر و دیسا عێراق كەفتە دناڤ ئالۆزیادا.
ئەم دبێژن ئەڤ قۆناغا نۆكە ئەڤا كو ئەڤ هەلبژارتنە تێدا دهێنە ئەنجامدان، قۆناغەكا دیرۆكییە و یا گرنگە بۆ عێراقێ هەمیێ. بەس بۆ مە وەكی هەرێما كوردستان گرنگیا وێ چییە؟ ئەم ناڤێ ڤێ قۆناغێ دادنێین قۆناغا جیبجیكرنا دەستوورێ عێراقێ، ئەو دەستوورێ كو سەدێ هەشتێ و پێنجی مللەتێ عێراقێ دەنگ لسەر دای. ئەم دێ بێژین ئەڤە ئەو قۆناغە و پێویستە ئەڤ دەستوورە بهێتە جیبجیكرن.
ڕەنگه هەمی تشتەكێ دەستووری ب دلێ مە نەبیت، مە باوەرییەك ژی یا هەی كو مە ماف یێت هەیی و مە ئەرك ژی یێت هەی. ئەم وەكی هەرێما كوردستانێ ل ئەركێت خۆ ناڕەڤین د چارچۆڤێ عێراقێدا و ئەم ناهێلین ژی برایەتییا كورد و عەرەبا ئاڵۆز ببیت. بۆ ڤێ برایەتیێ و مانەڤا ڤێ برایەتیێ، بۆ پاشەڕۆژەكا باش بۆ هەرێما كوردستانێ و بۆ عێراقێ، پێویستە پارتی یا بهێز بیت.
هون وەكی ئەندامێت پارتی، هەوادارێت پارتی، هەر ئێك ل مالا خۆ، ئێك تشت بزانن و ئێك خال یا گرنگە، ئەویش ئەڤەیە كو ئێك دەنگ ژی بۆ مە زۆرە. پێویستە ب گوڕ و تینەكا زۆر ڤێ جارێ ئەم سۆزا خۆ بجی بینین و بۆ خوینا شەهیدێت خۆ و قەهرەمانێت خۆ و بۆ سەرۆك بارزانی، ب ئانه‌هیا خودێ چەند ملیۆن دەنگ؟ ئێك ملیۆن.
هەڤالینە،
بۆ چ ئه‌ڤ كاره‌یاته ل عێراقێچێ بوون؟ چونكی دەستوور ئیهمال كر، وەختێ ساڵێت 2012 و ئەڤانە، هندەك خۆپیشاندان ل فەللوجە هاتنە كرن، كێشە داعش نەبوو، هندەك داخوازی یێت خەلكێ وێ دەڤەرێ بوون، یێت خزمەتگوزاری و تشتێ دی بوون، بەس هاتنە ئیهمالكرن. وەختێ هاتنە ئیمهمالكرن، توندوتیژی ژێ چێبوو، داعش ل جهەكێ دی نەهاتییە عێراقێ، داعش ئەنجاما سیاسەتەكا شاش بوو كو هاتە پەیڕەوكرن. ئیهمالكرنا خەلكەكێ ڕەسەن بوو ل عێراقێ، ئەنجامێ وێ داعش دروست بوو. ئەڤە ڕاستییەكە پێویستە ئەم لێ نەڕەڤین، پێویستە ئەم بەرێ خۆ بدەینێ و بزانین.
دەستوورێ عێراقێ بەحسێ فیدرالییەتێ دكەت. وەختێ ئەم بەرێ خۆ ددەینە عێراقێ، عێراق یا فیدرالییە. ب ڕاستی ئایا ناڤەڕۆكا فیدرالییەتێ ل عێراقێ دهێتە جیبجیكرن؟ باوەر كەن نەخێر. عێراق ب مەركەزییەتەكا زۆرا بهێز بڕێڤەدچیت، لبەر هندێ ئەم دبینین كو بەردەوام ئاریشە یێت هەی لسەر پرسێت مادەیا 140، لسەر پرسا پێشمەرگەی، لسەر پرسا مووچێت هەرێما كوردستانێ،
بۆ چ؟ ئەنجاما ڤێ هزركرنێیە، ئەنجاما جیبجینەكرنا دەستوورێ عێراقێیە. مە ئەڤ ئاریشە یێت هەی. بەلێ د ڤان هەلبژارتناندا ئەگەر ئەم بهێز ڤەگەڕین بۆ بەغدا، دێ بەرگریێ ل دەستكەفتێت هەرێما كوردستانێ و عێراقێ ژی كەین. نوێنەرێت هەرێما كوردستانێ، نوێنەرێت كوردستانێ نینە بتنێ، كارێ وان بەرگریكرنە ل هەر پێكهاتەكێ كو زولم لێ بهێتە كرن ل عێراقێ هەمیێ.
هەڤالینە،
پارتی خۆ ئامادەكریە بۆ چەسپاندنا دەستووری، چونكی وەكە من بەحس كری كارەسات وێ دەمێ چێ بوون وەختێ دەستوور نەمای. دا ئەز بیرا هەوە ل ئاخفتنەكێ بنیمەڤە، سالا 2011 و 2013 ئێكەم كەس ل عێراقێ بەحسێ هندێ كرى كو ل دەستووری یا دهێتە لادان و عێراق یا بەرەڤ كارەساتەكا مەزن دچیت، ئێكەم كەسێ ئەڤ تشتە گۆتی، جەنابێ سەرۆك بارزانی بوو.
گۆتە هەمیا، گۆت و كەرەم كر كو عێراق یا بەرەڤ هەلدێرێ دچیت، عێراق یا بەرەڤ كارەساتێ دچیت، هێشتا 2011 بوو، بۆ؟ ل ئەنجامێ چییە؟ چونكی گۆتی دەستوور یا ناهێتە جیبجیكرن. بەشەكێ سەرەكی یێ پێكهاتێت عێراقێ یێ دهێتە پشتگوهئێخست و گرنگیدان نییە. عێراق یا بەرەڤ كارەساتێ دچیت.
بیرا من دهێت وێ دەمێ جێگرێ سەرۆكێ ئەمەریكا بایدن، كو پشتی هنگی بوو سەرۆكی ئەمەریكا، تەلەفۆنەك بۆ كر و گۆت: بڕیارە سەرۆكوەزیرێ عێراقێ بهێتە ڤێرە، كا ئاخڤتنا تە چییە؟ ئەڤە ساڵا 2011 و 2012 كو داعش نەبوو، جەنابێ وی ئەمر كر و گۆت: ئەز حەز دكەم تو ببێژیە سەرۆكوەزیرێ عێراقێ ڕەوشا سیاسی یا عێراقێ یا بەرەڤ خراببوونێ دچیت. پێكهاتەكێ سەرەكی یێ عێراقێ یێ دهێتە ئیهمالكرن، ئەڤە دێ كارەساتا بۆ ڤی وەلاتەی چێكەت.
بەلێ مخابن هاتە پشتگوهئێخستن. مخابن ئەو تشتێ جەنابێ وی، وی وەختی گۆتی و ئەو تشتێ كو پشترا بسەر گەلێ عێراقێدا هات، بەغدا گوهێ خۆ نەدایێ و پاشێ مخابن ئەو كارەسات چێ بوون ئەوێت كو چێ بووی. ئەڤرۆ ژی هندەك لایەنێت عێراقی نۆكە چ دبێژن؟ نۆكە دبێژن دەستوور نەهاتییە جیبجیكرن. لایەنێت عێراقی ژی ڤێ ئاخاڤتنێ دكەن.
كەواتە زەمینەیەك یا خەباتا پارتی یا هەی بۆ دەستووری، یا بهێزتر و باشتر دبیت ب هەڤبەركرن دگەل بەری نۆكە. ناڤونیشانێت خەباتا مە یا ئەڤرۆ یا سیاسی و پەرلەمانی ل عێراقێ چیە؟ دەستووره و پێویستە وەكی خۆ بهێتە جیبجیكرن. ئەڤە ناڤونیشانێت خەباتا مەنە ل پەرلەمانێ عێراقێ، نە بۆ كوردستانێ بتنێ، بەلكی بۆ هەمی عێراقێ.
مە دڤێت دەستوور بهێتە جیبجیكرن داكو مافێ هەمی عێراقییا یێ پاراستی بیت، ئه‌م بتنێ بەحسێ خۆ ناكەین، ئەم بەحسێ هەمی عێراقییا دكەین، ل هەر دین و نەتەوە و تائیفەیەكێ بن، ل هەرێما كوردستانێ، ل مویسل، ل دەشتا نەینەوا، ل شەنگال، ل تەلەعفەر، یان ژی ل تكریت و ئەنبار، ل نەجەف، ل بەسرا، ئەم بەرژوەندییا عێراقێ ب بەرژەوەندییا خۆ دزانین.
ئەگەر پێشكەتنەك ل هەر جهەكێ عێراقێ هەبیت، ئەم ب پێشكەفتنا هەرێما كوردستانێ دزانین، بهێزبوونا هەرێما كوردستانێ ب بهێزبوونا عێراقێ دزانین، ڕەوشا عێراقێ یا خراب بیت، ئەم كەیفخۆش نینە و مە پێ نەخۆشە، چونكی ئەم بهێزبوونا هەرێمی كوردستان د بهێزبوونا عێراقێدا دبینین لگۆر ئەو دەستوورێ كو هاتییە نڤیسین و سەدێ هەشتێ و پێنجی خەلكێ عێراقێ دەنگ بۆ دای.
پارتی دڤێت قۆناغا بهێت ل عێراقێ، ئەو قۆناغ بیت یا هەمی پێكهاتێت عێراقێ خۆ بیینن بەشدار. بۆ ڤێ ژی دڤێت پارتی یا بهێز بیت. ڕۆژا 11/11 ئەم دێ چ كەین؟ دێ چینە سەر سندۆقا و دێ دەنگێ خۆ دەینە لیستا پارتی.
هەڤاڵینە،
پارتی هەر ژ ڕۆژا دامەزراندێڤە لسەر هزر و فەلسەفەیا پێكڤەژیانێ بوویە. ژ ڕۆژا ئێكێڤە داخوازا دیموكراسیەتێ یا بۆ عێراقێ كری. ژ ڕۆژا ئێكێ پارتی داخوازا پێكڤەژیانێ یا كری. سنوورێ نەینەوا جهێ هەمی پێكهاتایە، پێكهاتێت نەتەوەیی و دینی، نەینەوا وەكی من بەحس كری نموونەیا عێراقەكە بچووكە، بۆ جهەكێ وەكی نەینەوا، پێكڤەژیانا ئاشتیانە و قه‌بوولكرنا ئێكودو بنەمایەكێ سەرەكییە. ئه‌و كولتوورێ مەزن یێ پێكڤەژیانێ یێ ل كوردستانێ هەی كو جهێ شانازییا مەیە، پێویستە ئەڤ كولتوورە ل هەمی عێراقێ هەبیت.
عێراق شاهدە، وەختێ خەلكێ مە بەرێ خۆ دایە هەرێما كوردستانێ، برایێت مە یێت عەرەب، ئێزدی، مەسیحی، سالا 2014 مە دەرگەهێت خۆ بۆ ڤەكرن، هەرێما كوردستانێ ب تەمامی دەرگەهێت خۆ بۆ ڤەكرن، مزگەفت بۆ ڤەكرن، قوتابخانە بۆ ڤەكرن، مالێت خۆ بۆ.ڤەكرن، ئەو تابلۆیێ پێكڤەژیانێ یێ كو ئەم پێ سەربلندین، دو ملیۆن ئاوارە و پەنابەر ل جهێت دی یێت عێراقێ هاتنە هەرێما كوردستانێ. نفووسا هەرێما كوردستانێ نزیكی سەدێ بیست و نەھ زێدە كر.
دا ئەز بۆ هەوە بێژم، وێ ڕۆژێ و د وێ ڕەوشێدا ئێك پرسیار هەبوو، هاته گۆتن كو دڤێت ئەم دەرگەها ب ساناهی ڤەنەكەین، چونكی چێ دبیت ئاریشێت ئاسایشێ بۆ هەرێما كوردستانێ چێ ببن. جەنابێ سەرۆك بارزانی گۆت: ئەڤە برایێت مەنە و پێویستییا پێ و پێویستە ئەم دەرگەهێت خۆ بۆ ڤەكەین. مە دەرگەهێ هەرێما كوردستانێ ل ساڵا 2014 بۆ دو ملیۆن ئاوارە و پەنابەرا ڤەكر و هاتنە هەرێما كوردستانێ. باژێڕێن دهۆك و زاخۆ و هەولێر و سلێمانی و هەمی جهێت دی، تژی بوون ژ ئاوارە و پەنابەرا.
هەتا نها ژی ملیۆنەکا ئاوارەیان هەیە، ئەوا جهێ سەربلندیا مەیە، کۆ هاتنا وان بۆ کوردستانێ، نە بتنێ هیچ کێشەیەکا ئەمنی چێنەکر، بەلکى بەرۆڤاژى وێ، برایەتییا ناڤبەرا کورد و عەرەبا، زێدەتر کر.
شەبەک ژ مەنە، ڕژێما بەرێ نەکاری شەبەکان ژ کوردان جودا بکەت، ئەڤرۆ ژی شەبەک خۆ ژ کوردان جودا ناکەن. پێدڤییە ئەم پتر پێکڤە بین دا ئەم ئێک هێز بین. نابیت ئارێشە دناڤبەرا مەدا چێ ببن. شەبەک، ئێزدی، مەسیحی، لازمە ئەم ل دەشتا نەینەوا پێکڤە بین و برایەتییا مە خورت ببیت بۆ پاشەڕۆژەکا ئاڤەدان و گەشتر بۆ هەرێما کوردستانی و ئیراقێ.
لیستا مە، لیستا هەمى پێکهاتیێن عێراقێیە، چ ل کوردستانێ چ ل نەینەوا یان هەر جهەکی دی یێ عێراقێ بن. پارتی بۆ هەموو عێراقێ باڵانسا خیرێیە و خەما مە ئارامییا هەموو عێراقێ بوویە. مە ژ مێژە ئەڤ چەندە گوتییە، ئێمناهییا عێراقێ بۆ کوردستانی یا گرنگ و پێدڤییە.
ئەرکی وەیە هەڤالان، بۆ بەرژەوەندییا کوردستانێ و نەینەوا و پێکهاتێن وێ و بۆ عێراقێ بگشتی، دەنگێت پارتی بلند بکەن و بهەڤرا ژ هەمى ڕەنگا کار بکەن بۆ پارتی و بۆ یەک ملیونا دەنگا.
ئاخفتەکا ئیزدیان هەیە و دبێژیت "
جوابێ بدەنە کوردستانێ
بلا قایمکەن ئیمانی،
شەرفەدین میرە ل دیوانێ".
ئێزیدخان، ئێزدیخان، جواب گەهشتە کوردستانێ، سەرۆک سەرۆک بارزانی دگەل پێشمەرگا هاتە سحێلا و سۆزا خۆ بۆ بابە شێخ بۆ ئێزدیا بجهی ئینا و هەتا نەچۆ سەر چیایێ شنگالێ و مزگیینیا ئازادیا شنگالێ نەدا هەمى پێکهاتەیێت دەڤەرێ، نەڤەگەڕیا مالا خۆ. شەرفەدین ژی هەتا ئەڤرۆ هەر ما سەربلند و میر ل مەیدانێ و داعش ژی شکەستن و رویڕەشى د دنیایێدا بۆ ماڤە. ب هیمەتا جەنابێ سەرۆکی و ماندیبوون و خوینا پیشمەرگێت قەهرەمانێت کوردستانێ، ئێزیدخان ژی ما ڕووگەش و سەربلند هەتا ئەڤرۆ و دێ هەر سەبلند مینیت.
بۆ ئێکەمجار پێشمەرگە ب فەرماندەیى یا ڕاستەوخۆیا جەنابێ سەرۆک بارزانی، ئەفسانا داعش ل شنگال و ل مەخموور و جهێت دى یێت کوردستانێ تێکوپێکدا. قەهرەمانی و خوینا پیشمەرگێت مە، ئیرادا هێزێت دی یێت عێراقێ ژی بهێزکرەڤە، پێشمەرگێت مە یێت قەهرەمان بوون وەک ئێکەم هێز کۆ دەرگەهێ ئازادییا مویسل ژ دەستێ داعشێ ڤەکرین و چووینە دناڤادا.
شنگال ب خوینا شەهیدێت پیشمەرگە جارەکا دی هاتە ئاڤدان، بدەهان هەڤسەنگەرێت مەحموود ئیزدی ل شنگالێ خوینا خۆ دا داکو ئێزیدخان ژبن دەستێ داعش ده‌ركه‌ڤیت. ئەڤە وێستگەهەکا میژوویییە کو ئەم شانازیێ پێ دبەین. شنگال چ جاران ژ پارتی جودا نەبوویە و هیچ ئارمانج و پروگرامێت پارتی بێی شنگالێ نەبوونە، پارێزڤانێ شنگالێ پارتییە و خۆلێکرنە خودان ژی سەرۆک بارزانییە.
کەس نەشێت چریسکێت ڕۆژا پارتی ل شنگالێ نەهێڵیت. ئەم دبینین و دزانین چ دهێتەکرن ژلایێ هندەک سیاسى یێت عێراقیڤە، بزاڤێ دکەن کو دوبه‌ره‌كیێ دناڤ برایەتییا مەدا چێکەن، برایەتییا مە وەک عەرەب و کورد. ئەم ل ڤێرە دبێژینە وان کەسا، ئەوێت دخازن ل نەینەوا دوبه‌ركیێ بێخیتە دناڤبەرا کورد و عەرەب و ئێزدى و کریستیان و شەبەکادا، ئەم دبێژینە وان دێ خەوانا خۆ بەنە دناڤ گۆڕیدا و چ جاران هوین بێتفاقی و نەخۆشییا دناڤبەرا مللەتێ مەدا نابینن.
مە دڤێت یاسا ل شنگالێ یا بەرقەرار بیت و حوکمەکێ مەدەنی هەبیت، خزمەتگوزاری هەبن و خەلک بکاریت جارەکا دی ڤەگەریتەڤە بۆ شنگالێ. بتایبەتی ژی ئەوێت کۆ هوین نوێنەراتییە شنگالا بریندار دکەن، ب ڕێکا وە و ل ڤێرێ دبێژینە خەلکی مە یێ عەزیز ل شنگالێ و ل هه‌مى جهێت ئێزدییا، مە چ جارا هوین ژبیر نەکرینە و سۆزێ دده‌ینە هه‌وە کو پارتی بەرەڤانکارا سەرەکییە بۆ هەمى پێکهاتێت عێراقێ، بتایبەتى ژی ل نەینەوا.
ئەڤ کاندیدە ئەون یێت کو ب دەنگێ وە چنە بەغدا و ناڤەڕۆکا پەیاما مە گەهینن. ئەو ژی پەیاما ئاشتیێ و پێکڤەژیانێ و قه‌بولكرنا ئێكودویه.
هەڤالان،
ل هەرجهەکێ نەینەوا بگشتی، جارەک ادی دێ بێژم ئەڤ کاندیدێت وە کو ئەم دبێژینێ خزمەتکارێن وە، داخازێ دکەین ب دەنگێت خۆ بهنێرنە بەغدا داکو بەرەڤانیێ ل ماف و پێکڤەژیانا هەمى وان پێکهاتا بکەن یێ ل نەینەوا دژین.
هەڤالان،
ئەم دبێژین دهۆک بانکا دەنگێن پارتییە بۆ هەڵبژاردنێن کوردستانێ و ب ڕاستی ژی هەرجار سەرێ مە بلند کرییە و هەمى جارا پشتەڤانییا مە کرییە و نەهێلایە حزبا وان بکەڤیت و بشکێت. ئەم سەربلندین ب ڤێ پشتەڤانییا خەلکی دهۆکێ، لێ دا ڤێ ژی بێژم کو گرنگیا نەینەوا بۆ هەلبژارتنێن عێراقێ گەلەکا پێدڤییە.
گەلەک نەحەز و نەیارێت مە دلێ خوە ب وێ چەندێ خۆش کرییە کو پارتی ل نەینەوا وەک پێدڤی نەبیت و پلانەک ژی هەیە کو پارتی لاواز بکەن، لێ ئەم دێ وان ب ئێک ملیون دەنگان بێ هیڤی و بێ ئومێد کەین.
درووشمێ مە ئەڤەیە کۆ ڕۆژا دەنگدانی ل ١١-١١ دی دەنگێ خۆ دەینە لیستا پارتی دیموکراتی کوردستان و ب ئانه‌هیا خودێ دێ سەرکەفتی و موەفەق بن و هه‌وە هەردەم ب خۆشی و سەرکەفتی ببینین. سۆزا مە و هه‌وە ڕۆژا ١١ مەهێیە.
زۆر سپاس.
ئەم بابەتە 10 جار خوێندراوەتەوە
