پەیامی کورد   ...   نێچیرڤان بارزانی: ئه‌رکی هه‌موومانه‌ له‌پێناو ئێستا و داهاتوویه‌كى باشتردا بۆ کوردستانییان كار بكه‌ین

سەرۆکی هەرێمی کوردستان بەبۆنەی ساڵی نوێی کۆچی بە گەرمی پیرۆزبایی لە موسڵمانانی  کوردستان و عێراق و جیهان دەکات و له‌و بۆنه‌یه‌دا دووپاتی دەکاتەوە که‌ وه‌ک هه‌میشه‌ کوردستان نیشتمانی فره‌یی و پێكه‌وه‌ژیانى ئاشتییانه‌ و یه‌كترقبووڵكردن و لێبورده‌یى له‌نێوان ته‌واوى پێكهاته‌ ئایینى و نه‌ته‌وه‌یییه‌كاندا ده‌بێت."

ئه‌مه‌ی خواره‌وه‌ ده‌قی په‌یامه‌كه‌ی سه‌رۆکی هه‌رێمی کوردستانه‌:

یەکی موحەڕڕەم، سەری ساڵی نوێی کۆچی به‌ گه‌رمی لە ته‌واوی موسڵمانان له‌ کوردستان، عێراق و جیهان پیرۆز ده‌که‌م. هیوادارم ساڵی نوێ، خێر و خۆشی، ئارامی و ئاسووده‌یی بۆ هه‌مووان له‌گه‌ڵ خۆیدا بهێنێت و ساڵى سه‌ركه‌وتن و كامه‌رانى بێت.

له‌م بۆنه‌یه‌دا دووپاتی ده‌که‌ینه‌وه‌ که‌ وه‌ک هه‌میشه‌ کوردستان نیشتمانی فره‌یی و پێكه‌وه‌ژیانى ئاشتییانه‌ و یه‌كترقبووڵكردن و لێبورده‌یى له‌نێوان ته‌واوى پێكهاته‌ ئایینى و نه‌ته‌وه‌یییه‌كاندا ده‌بێت. ئه‌رکی هه‌موومانه‌ پێکه‌وه‌ له‌پێناو ئێستا و داهاتوویه‌كى باشتردا بۆ کوردستانییان كار بكه‌ین.

هه‌موو ساڵێك به‌ خۆشى و له‌ هه‌مووان پیرۆز بێت.

نێچیرڤان بارزانی

سه‌رۆکی هه‌رێمی کوردستان

١ی موحه‌ڕڕه‌می ١٤٤٧

٢٠٢٥/٦/٢٦