Amerîkayê li Okyanûsa Hindê dest danî ser kelûpelên leskerî yên Çînê

PeyamaKurd – Hêzên taybet ên Amerîkayê di operasyoneke veşartî ya li Okyanûsa Hindê de dest danîn ser kelûpelên leşkerî yên ku ji Çînê ber bi Îranê ve diçûn. Rayedarên Amerîkî ragihandin ku ev operasyon meha borî li nêzîkî peravên Srî Lankayê pêk hatiye.

Li gorî agahiyan kelûpelên hatine desteserkirin xwedî taybetmendiya bikaranîna dualî ne û ji bo bernameya mûşekî ya Îranê hatine şandin. Tîmên Amerîkî piştî ku dest danîn ser barê keştiyê destûr dan ku keştî rêwîtiya xwe bidomîne lê alavên leşkerî hatin tunekirin.

Ev pêngav wekî beşek ji stratejiya nû ya rêveberiya Trump tê dîtin ku armanc dike rê li ber nûkirina kapasîteya leşkerî ya Îranê bigire. Washington piştî êrîşên meha Hezîranê zextên xwe yên li ser torên veşartî yên Îranê li deryayan zêde kirine.