Daxuyaniya Artêşa Îsraîlê: Pêla êrîşa ser Tehranê qediya

PeyamaKurd- Artêşa Îsraîlê daxuyaniyek belav kir û ragihand ku pêla êrîşa berfireh a li ser armancên girêdayî bernameya çekên nukleerî yên rejîma Îranê û embarên sotemeniyê yên li Tehranê, temam bûye. Ev daxuyanî di demekê de tê ku alozîya leşkerî di navbera Îsraîl û Îranê de gihîştiye asta herî bilind.

Hêzên Parastina Îsraîlê (IDF) di daxuyaniya xwe de anî ziman ku "Balafirên şerî yên Hêzên Hewayî yên Îsraîlê, bi rêberiya rastîn a Dezgeha Îstixbaratê, demek berê pêleke êrîşeke berfireh li ser armancên cûrbecûr ên li Tehranê ku bi bernameya çekên nukleerî ya Îranê ve girêdayî ne, pêk anîn."

Herwiha hat destnîşankirin ku ew armanc di nav wan hewldanan de bûn ku tevkariyê li hewldanên rejîma Îranê yên ji bo bidestxistina çekên nukleerî dikin û rejîmê arşîva xwe ya nukleerî li van cihan veşartibû.

Hat îdîakirin ku di nav armancên ku hatine lêdan de "navenda Wezareta Parastinê ya Îranê, navenda Rêxistina Lêkolîn û Nûjeniyê ya Parastinê (SPND) ku berpirsiyarê bernameya nukleerî ya Îranê ye, û hin xalên din" hene.

Ev nivîs 80 car hatiye xwendin.