Daxwaza girtinê ji bo Îmamoglû, Yanardag û Ozkan hat kirin

PeyamaKurd – Di çarçoveya lêpirsîna "sîxuroyê" ya ku ji aliyê Serdozgeriya Komarê ya Stenbolê ve hatiye destpêkirin de, Ekrem Îmamoglû, Merdan Yanardag û Necati Ozkan ji bo biryara girtinê sewqî Dadgeha Ceza ya Aştîyê hatin kirin.

Şaredarê berê yê Şaredariya Bajarê Mezin a Stenbolê Ekrem Îmamoglû doh sibê ji Silivriyê, ku di çarçoveya lêpirsîna "sîxuriyê" de lê dihat girtin, birin Dadgeha Stenbolê.

Îfadeya Sernivîskarê TELE1 Merdan Yanardag û şêwirmend û rêveberê kampanyayê yê Îmamoglû Necati Ozkan ku ew jî di çarçoveya heman lêpirsînê de hatibûn desteserkirin, êvarê dest pê kir.

Îfadeyên dozger ji bo Yanardag, Îmamoglû û Ozkan îro êvarê dora saet 10:00an qediyan.

Lêpirsîna li dijî her sê kesan piştî îfadeyên Huseyin Gun ku di 4ê Tîrmehê de ji ber "sîxuriyê" hatibû girtin, dest pê kir. Huseyin Gun ji ber poşmaniyeke bi bandor sûd wergirtibû.

Rêveberê Giştî yê İsttelkom AŞ Melih Geçek ku niha di girtîgehê de ye, di heman lêpirsînê de şahidî da.

Dozgeriyê Îmamoğlu, Yanardag û Ozkan bi tohmeta "sîxuriya siyasî" sewqî Dadgeha Cezayê Aştîyê kir û daxwaza girtina wan kir.