Mesrûr Barzanî wê serdana Rêveberiya Serbixwe ya Soranê bike
PeyamaKurd - Serokwezîr Mesrûr Barzanî wê îro serdana Rêveberiya Serbixwe ya Soranê bike da ku projeya Serderiya Deriyê Soranê veke.
Serokwezîr Barzanî wê îro (Duşem, 27ê Cotmehê) serdana Rêveberiya Serbixwe ya Soranê bike. Di dema serdanê de, ew ê sêwirana projeya nû ya Elî Beg û pêşveçûna projeya rêya 40 metreyî (qonaxa yekem) binirxîne.
Mesrûr Barzanî di 28ê Gulana 2024an de, wekî beşek ji plana berfirehkirina binesaziya rêyan li herêmê, kevirê bingehîn ê Serderiya Deriyê Soranê danî.
Di axaftina xwe ya di merasîma destpêkirina projeyê de, Serokwezîr Barzanî girîngiya balkişandina ne tenê li ser navendên parêzgehan, lê di heman demê de li ser pêşkeftina bajarok û gundan jî tekez kir.
Deriyê Soranê, ku salek berî dema diyarkirî qediya û amade ye ku xizmeta rêwiyên li herêmê bike, rêyên Hewler, Mergesor, Rewandiz û Çomanê bi hev ve girêdide.
