Di navbera Çînê û Almanyayê de krîza lazerê derket

PeyamaKurd – Almanyayê îdia kir ku yek ji balafirên wê yên ku li Deryaya Sor difiriya ji aliyê Çînê ve bi lazerê hatiye hedefgirtin. Rêveberiya Berlînê ev gava Pekînê şermezar kir û gazî balyozê Çînê yê Wezareta Karên Derve kir.

Hikûmeta Almanyayê Çîn tawanbar kir ku di operasyona Deryaya Sor a ku ji hêla Yekîtiya Ewropayê (YE) ve tê piştgirîkirin, yek ji balafirên wê bi lazerê hedef girtiye.

Piştî bûyerê, rêveberiya Berlînê gazî balyozê Çînê yê li Almanyayê kir.

Wezareta Derve ya Almanyayê di daxuyaniyekê de got, "Xetere danîna personelên Alman û astengkirina mîsyonê bi tevahî nayê qebûlkirin."

Her weha nehat gotin ka bûyer li ku pêk hatiye.

Operasyona Aspides ya li Deryaya Sor

Operasyona Aspides a bi piştgiriya Yekîtiya Ewropayê di Sibata 2024an de piştî ku Hûsiyan li Yemenê keştiyên bazirganî yên ku di Deryaya Sor re derbas dibûn hedef girtin, dest pê kir.

Hûsiyan gotibû ku ew ê heta ku agirbest li Xezeyê pêk were, hemû keştîyên ku guman dikin ber bi Îsraîlê ve diçin hedef bigirin, û bi rastî jî hin keştî hatin hedefgirtin.

Tê gotin ku Operasyona Aspidesê, ku ji aliyê gelek welatên endam ên YEyê ve tê piştgirîkirin, di nav de Almanya, Belçîka, Estonya, Fînlandiya, Fransa, Yewnanistan, Îtalya, Lîtvanya, Hollanda û Swêd, armanc dike ku ewlehiya çalakiyên bazirganiya deryayî ya navneteweyî misoger bike.

Ev nivîs 91 car hatiye xwendin.