Hindistan dev ji kirîna petrola ji Rûsyayê berdide
PeyamaKurd - Serokê Amerîkayê Donald Trump di daxuyaniyekê de got ku Serokwezîrê Hindistanê Narendra Modi rasterast ji wî re piştrast kiriye ku welatê wî wê kirîna petrolê ji Rûsyayê rawestîne.
Ev pêşketin ku hîn ji hêla hikûmeta Hindistanê ve nehatiye piştrastkirin, tê payîn ku hewldanên Trump ji bo zextkirina Moskowê ji bo danûstandinên bidawîkirina şerê Ukraynayê xurt bike.
Trump got, "Petrol tune. Ew (Narendra Modi) petrolê nakire." Wî zêde kir ku ev guhertin wê tavilê nekeve meriyetê lê wê "di demek nêzîk de" were bicîhkirin.
Balyozxaneya Hindistanê li Washingtonê hîn bersiv nedaye daxwaza şîroveyê ya Associated Press (AP).
Trump ji têkçûna xwe ya bidawîkirina dagirkirina nêzîkî çar salan a Rûsyayê ya li ser Ukraynayê aciz e û Serokê Rûsyayê Vladimir Putin wekî "astengiyek li pêşiya aştiyê" dibîne.
Tê payîn ku Serokê Amerîkayê roja Înê bi Serokê Ukraynayê Volodymyr Zelenskyy re bicive.
Hindistan piştî Çînê duyemîn welatê herî mezin ê îtxalkarê petrolê ji Rûsyayê ye. Trump di meha Tebaxa borî de di bersiva vê rewşê de bacên bilind li ser New Delhiyê ragihand.
