Îran: Em ê tu carî tevlî Peymana Îbrahîm nebin
PeyamaKurd - Wezîrê Derve yê Îranê Abbas Erakçi bi tundî bertek nîşanî îdiaya Serokê Amerîkayê Trump a ku digot "Îran dikare tevlî Peymana Îbrahîm bibe" da û got, "Ev plan li ser xiyanetê hatiye avakirin; Îran wê tu carî tevlî nebe."
Wezîrê Derve yê Îranê Abbas Erakçi bi tundî bertek nîşanî daxuyaniya Serokê Amerîkayê Donald Trump a ku digot "Îran dikare tevlî Peymana Îbrahîm bibe" da.
Erakçi got, "Her çend ev plan navekî pîroz hildigire jî, ew bi xwezayî li ser xiyanetê hatiye avakirin. Armanca wê ew e ku gelê Filistînê ji mafên wan ên rewa bêpar bike û rejîmek derewîn û dagirker ava bike."
"Beşdarbûna Îranê di vê peymanê de ne mimkûn e."
Eraqçi di bernameya Hevpeyvîna Nûçeyên Taybet de ku li ser kanala televîzyonê ya dewleta Îranê IRIB tê weşandin, axivî û got, "Rejîma Siyonîst dagirker, sûcdar, jenosîdkar û kujerê zarokan e. Helwesta Komara Îslamî ya Îranê ji destpêkê ve zelal û bê guman bûye: 'Peymanên Îbrahîm' bi temamî bi îdealên me re ne lihevhatî ne, û beşdarbûna Îranê di wan de bi temamî ne mimkûn e."
Erakçi pêşniyara Rojava ya ji bo "peymanek berfireh" jî red kir û got, "Ev cure peyman encama danûstandinên berfireh e. Lêbelê, me tenê li ser bernameya xwe ya nukleerî danûstandin kirin, û em ê di pêşerojê de tenê li ser vê mijarê danûstandinan bikin."
