Ji Heşda Şeibî destwerdana hilbijartinên Iraqê: Namzedya dijberan tê redkirin
PeyamaKurd- Endamê serbixwe yê Parlamentoya Iraqê yê ji pêkhateya Şîe Secad Salim ji ajansa nûçeyan a El-Ayn El Xeberiye ya Îmaratê re ragihandiye, ecêb e ku komîteya taybet a dûrxistina berbijêran ji bo hilbijartinên parlementoyê yên Iraqê ku biryare 11ê Mijdara 2025an de birêve biçe û Heşdî Şeibî jî di nav xwe de digire. Lê wî tu hûrgiliyên din vê derbarê de eşkere nekir.
Li gor zanyariyan Secad Salîm yek ji berbijêrên ku ji aliyê Komîsyona Hilbijartinê ya Iraqê ve hatine dûrxistin e û nikare beşdarî hilbijartinê bibe, ji ber ku di heman demê de wî parlamenterî gelek caran li dijî milîsên Heşdî Şeibî daxuyanî daye.
Li gorî agahiyên ku ji aliyê Encûmena Komîsyaran a Komîsyona Hilbijartinê ya Iraqê ve hatine belavkirin, heta 24ê Tebaxa 2025an, hejmara giştî ya berbijêrên ku ji ber sedemên cûda hatine derxistin, gihîştiye 627 berbijêran.
Tê gotin, beşdarbûna Heşdî Şeibî di wê lijneyê de ji bo dûrxistina berbijêran, ji bo rakirina hemî dijberên siyasî yên milîsên ku îhtîmala serketina li parlamentoya Iraqê hene ye.
Li hember wan gotegotan yek ji rêveberê Desteya Heşdî Şeibî Ebdulrehman Kazimî red kir ku serokê Desteya Heşdî Şeibî destwerdanê di dûrxistina berbijêran de bike, nemaze di rakirina namzediya Secad Salîm de.
Dûrxistina berbijêran ji bo hilbijartinên parlamentoya Iraqê, li gorî benda sêyemîn a madeya 7an a Qanûna Hilbijartina Parlamentoya Iraqê (Qanûna Hejmar 12 a 2018an) ye, ku destnîşan dike divê berbijêr xwedî raboriyek û reftarek baş be. Herwiha tawanên wek kuştin an jî tawanên wî yên exlaqî û gendeliyê nebe û hukim nexwaribe.
Ev nivîs 124 car hatiye xwendin.
