600 ciwanên Iraqî di artêşa Rûsyayê de şerê Ukrayna dikin

PeyamaKurd- Hate ragihandin ku 600 çekdarên milîsên Iraqî di meha Sibatê de çûne Rûsyayê da ku li dijî Ukraynayê şer bikin.

Analîstê siyasî yê Iraqî Elî Hebîb ji kanala One News a Iraqê re gotiye: "Ciwanên Iraqî ji ber hejariyê bûne kirêgirên artêşa Rûsyayê û di şer de beşdar in."

Tê gotin ku rewşa aborî ya dijwar û bêkarî bûye sedema ku ciwanên Iraqî bibin kirêgirên şer.

Hebîb dibêje, “Ev ji bo serwerî û pozîsyona Iraqê pir metirsîdar e û ev doz bi qasî mijara bazirganiya mirovan xeternak e.”

Li gorî Elî Hebîb: "Hikûmeta Iraqê di parastina jiyana welatiyên xwe de xemsar e û ji bo pêşîgirtina wê ti tedbîr negirtiye, ku dê bandorek neyînî li ser Iraqê bike."

Ev nivîs 99 car hatiye xwendin.