Rêber Ehmed ligel Sûdanî beşdarî merasîma mizgefta Mûsilê dibe
PeyamaKurd- Wezîrê Navxweyî yê Herêma Kurdistanê Rêber Ehmed, digel Serokwezîrê Iraqê Mihemed Şiya Sûdanî û şandeke ji Mîrgehên Yekbûyî yên Ereb (UAE) beşdarî merasîma vekirina mizgefta Nûrî ya li Mûsilê dibin.
Parlamentarê PDKê li parlamentoya Iraqê Şêrwan Dubardanî da xuyakirin, Sûdanî ji bo vekirina mizgeftê serdana Mûsilê dike. Mizgeft bi hevkariya Rêxistina Perwerde, Zanist û Çandî ya Neteweyên Yekbûyî (UNESCO) û BAE'yê hatiye nûkirin. Ev mizgeft yek ji wan avahiyan bû ku di dema dagirkirina DAIŞê de ziyaneke mezin dîtibû.
Mizgefta Nûrî ya dîrokî, ku ji aliyê Selçûqî Atabek Nûredîn Mehmûd Zengî ve di sedsala 12an de hatiye avakirin, sembola bajêr e û di Hezîrana 2014an de xelîfeyê DAIŞê Ebûbekir El-Bexdadî li wir "xîlafeta xwe" ragihandibû.
Dema ku artêşa Iraqê di 21ê Hezîrana 2017an de kete nav bajêr, rêxistina DAIŞê mizgeft û minareya wê ya dîrokî teqandibû.
Ev nivîs 113 car hatiye xwendin.
