Tirkiyeyê li ser derxistina Sera ji lîsteya dorpêçan daxuyanî da

PeyamaKurd - Tirkiyeyê pêşwaziya biryara Konseya Ewlehiyê ya Neteweyên Yekbûyî ya 2799 (2025) kir, ku Serokkomarê Sûriyeyê Ehmed Şera û Wezîrê Karên Hundir Enes Hattab ji lîsteya dorpêçan a Konseya Ewlehiyê ya Neteweyên Yekbûyî (KENY) derxist.

Berdevkê Wezareta Karên Derve ya Tirkiyeyê Oncu Keçeli derbarê biryara Konseya Ewlehiyê ya Neteweyên Yekbûyî ya ku Şera û Hattab ji lîsteya dorpêçan derxist, daxuyaniyek nivîskî da.

Keçeli diyar kir, "Em pêşwaziya biryara KENY ya 2799 (2025) dikin, ku Serokkomarê Sûriyeyê Ehmed Şera û Wezîrê Karên Hundir Enes Hattab ji lîsteya dorpêçan a Konseya Ewlehiyê ya Neteweyên Yekbûyî (KENY) derxist." Wî zêde kir ku Tirkiye wê piştgiriyê bide van û gavên bi vî rengî da ku mîrata neyînî ya serdema borî li ser rêveberî û gelê Sûriyeyê ya heyî çareser bike, dorpêçan di vê çarçoveyê de bi tevahî rake û rê li ber entegrebûna Sûriyeyê bi civaka navneteweyî re veke û li welêt aramî û pêşketineke domdar bi dest bixe.