سەدان کەس لە نێویان دا دەیان منداڵ لە کاتی ناڕەزایەتییە جەماوەرییەکان دا دەستگیرکران

• سەدان کەس لە نێویان دا دەیان منداڵ لە کاتی ناڕەزایەتییە جەماوەرییەکان دا دەستگیرکران

لەگەڵ دەست پێکردنی شەپۆلێکی نوێی ناڕەزایەتی جەماوەری لە شارە جۆربەجۆرەکانی ئێران لە ٢٧ی بانەمەڕی ساڵی ١٤٠٤ کە بۆ ماوەی ١٠ ڕۆژ بەردەوام بووە، کۆماری ئیسلامی ئێران وەک حاڵەتە هاوشێوەکانی پێشوو، بە تووندوتیژانە ئەو ناڕەزایەتیانەی سەرکوت کردووە و بە شێوەیەکی بەرفراوان ژمارەیەکی زۆر لە ناڕازییان دەست بەسەر کردووە؛ لە زۆر حاڵەتدا هیچ زانیارییەک لەسەر چارەنووسی ئەو کەسانە نییە کە دەستگیرکراون.

بە پێی ئەو ڕاپۆرتە بەردەستانە، لانیکەم ٢٩ هاووڵاتیی ناڕازی لە ناوچە جۆربەجۆرەکانی ئێران بە تەقەی هێزە سەربازی و ئەمنییەکانی حکوومەت کوژراون. لەو ژمارەیە لانیکەم ١١ کەسیان دانیشتووی شارەکانی مەلەکشاهی، کرماشان، کووهدەشت، هەرسین و نووراباد لە پارێزگاکانی ئیلام، کرماشان و لوڕستان بوون. هەروەها ژمارەیەکی زۆر لە خۆپیشاندەرانی ئەو شارانە و ناوچەکانی دیکەی ئێران بە هۆی گوللەی زیندوو و دەمانچەی زیندوویی و هەروەها لێدانی چەقۆ بریندار بوون.

بە پێی زانیاری لە کەسانی پەیوەندیدار بە دەست بەسەرکردنی لانیکەم ٢٠٠ هاووڵاتی کە چەندین چالاکی مەدەنی، زیندانی سیاسی پێشوو، یاریدەدەری مامۆستای زانکۆ، وەرزشوان و هتد لە پارێزگاکانی تاران، ئیلام، کرماشان، لوڕستان، کوردستان، و خوراسانی باکووری تێدایە، کۆبکاتەوە و تۆمار بکات. بەڵام خەمڵاندنەکان ئاماژە بەوە دەکەن کە ژمارەی ڕاستەقینەی دەستگیرکراوەکان لەم ژمارەیە زیاترە. بەهۆی بارودۆخی تایبەتی ئەمنی و فشاری دەزگا ئەمنییەکان بۆ سەر خێزانەکان بۆ ڕێگریکردن لە زانیاری، ناتوانرێت دەست بە وردەکاری تەواوی سەرجەم دەستگیرکراوەکان بگات.

لەم ناڕەزایەتیانەدا، ژمارەیەکی بەرچاو لەو کەسانەی دەستبەسەرکراون منداڵ و هەرزەکارانی خوار تەمەنی ١٨ ساڵن، تۆڕی مافی مرۆڤی کوردستان تا ئێستا تەنیا وردەکارییەکانی ٢٠ منداڵ و هەرزەکاری دەست بەسەرکراوی پارێزگاکانی ئیلام، کرماشان، و کوردستانی دەستکەوتووە. هەروەها ئەنجوومەنی هەماهەنگی سەندیکاکانی پەروەردەکارانی ئێران لە کاتی ناڕەزایەتییە جەماوەرییەکان لە شاری هەرسین سەر بە پارێزگای کرماشان، لانیکەم ١٠٠ منداڵی قوتابخانەی دەست بەسەر کرد.

هەر لەو پەیوەندییەدا دوو هاووڵاتی دەست بەسەر کراوی شاری کرماشان کە یەکێکیان منداڵە، دوای ئازادبوونیان ڕایانگەیاندووە کە لە کاتی دەست بەسەرکردنیان دا لەلایەن هێزە تایبەتەکانەوە دەستدرێژی سێکسییان کراوەتە سەر.

لە هەمان کاتدا، سوپای پاسداران، پۆلیسی ئاسایش و وەزارەتی ئیتلاعات، لە شارەکانی کووهدەشت، نوورئاباد دەلفان، تاران، هەرسین، دەڕڕەشەهر، کرماشان، ئابدانان، ئیلام، سەرابەلێح، و ئەسفەرایان، سەدان هاووڵاتییان بەبێ فەرمانی دادوەری دەستبەسەر کردووە. بنەماڵەی ژمارەیەک لەو دەستبەسەرکراوانە لە چاوپێکەوتنێکدا ڕایانگەیاندووە کە ئەم دەست بەسەرکردنانە بەبێ فەرمانی دادوەری و بە تووندوتیژی ئەنجام دراون و هیچ زانیارییەکیان لەسەر دۆخ و شوێنی ئەو کەسانە نییە.

هەروەها زانراوە کە ڕۆژی هەینی ١٢ی ڕێبەندانی ٢٠٢٥، لانیکەم ٦٠ هاووڵاتی کە لە کاتی ناڕەزایەتییەکان لە شارە جۆربەجۆرەکانی پارێزگای ئیلام دەست بەسەر کرابوون، بۆ دەستبەسەرگەی کاتی زیندانی ناوەندی شاری ئیلام ڕاگوێزران. ئەم گیراوانە لە حەوشەی دەستبەسەرکردندا لەلایەن هێزە تایبەتەکانەوە ئەشکەنجە دراون و تا ئێستا مافی پەیوەندی کردن بە کەسوکاریان و دەستڕاگەیشتن بە پارێزەر بێبەش کراون.

سەرچاوەیەکی ئاگادار له ورمێ هەروەها ڕایگه یاند که له چەند ڕۆژی ڕابردوودا بەرپرسانی ئەمنی و پشکنینی به ندیخانه ی ناوەندی ئه م شاره سەردانی بەشی زیندانیانی سیاسییان کرد و به زیندانیان ئاگادار کردووه ته وه که پێدانی مووڵەتی به زیندانیانی سیاسی یەوە به هۆی باروودۆخی تایبەتی ووڵات بۆ ماوەی سێ مانگ ڕاگیراوه .