پەیامی کورد -   سیاسەتی لوبنان لە ئاڵوگۆڕی گشتی نێوان یوسف ڕەجایی وەزیری دەرەوە و عەلی لاریجانی سکرتێری گشتیی ئەنجومەنی باڵای ئاسایشی نیشتمانیی ئێران لە سەردانەکەی بۆ بەیروت بوو.

لاریجانی لە کۆنگرەیەکی ڕۆژنامەوانیدا ڕوونیکردەوە کە بە هۆی "کەمی کات"ەوە چاوی بە ڕەجایی نەکەوتووە، کە چاودێران وەک پاساوێکی دیپلۆماسی بۆ ئەنجامنەدانی کۆبوونەوەکە لێکیانداوە. بەڵام وەڵامەکەی  وەزیری دەرەوە  ڕاستەوخۆ و تیژ بوو، له بەیاننامەیەکی ڕۆژنامەوانیدا ڕایگەیاند "ئەگەر کاتیشم هەبووایه لەو کۆبوونەوەیه نەدەبووم"  به ڕوونی ئاماژەیە بۆ ڕێز نەگرتنی بەرپرسه ئێرانییه .

ئەم گرژییە زارەکییە لە کاتێکدایە کە کەشوهەوای سیاسیی لوبنانی بارگاویکراوە، کە لەژێر کاریگەری گرژییە ناوچەیی و ناوخۆییەکاندایە لەسەر ڕۆڵ و کاریگەریی ئێران لە لوبنان، هەروەها سروشتی هەستیاری پەیوەندی نێوان هەندێک لایەنی لوبنانی و تاران. چاودێران پێیان وایە ئەم هەڵوێستانە ڕەنگدانەوەی قووڵی دابەشبوونی سیاسەتی دەرەوە و بژاردە ستراتیژییەکانی لوبنانە، بەتایبەتی سەبارەت بە پەیوەندییەکانی لەگەڵ زلهێزەکانی ناوچەکە.

 

---

لینا ڕەشید / لوبنان

ئەم بابەتە 354 جار خوێندراوەتەوە