Rojava | Zêdetirî 700 hezar xwendekaran dest bi perwerdê kir
PeyamaKurd – Sala nû ya perwerdeyê li dibistanên Rojavayê Kurdistanê û herêmên kontrola Rêveberiya Xweser îro Yekşemê 14ê îlonê dest pê kir.
Li herêmên bakurrojhilatê Sûriyeyê sala perwerdeyê ya 2025-2026an, 713 hezar û 554 xwendekar li 3 hezar û 647 dibistanan dest bi dibistanan kirin. Wê 35 hezar û 513 mamoste jî kar bikin.
Pergala perwerde û fêrkirinê ya herêmê xwe dispêre metaryalên ku hatine guhertin.
Materyalên bi 3 zimanên sereke (Kurdî, Erebî û Suryankî) têne dayîn.
Hate diyarkirin, ev metaryal xweza û taybetiya her herêmê li ber çavan digirin û pirrengiya zimanî û nasnameya civakî ya pêkhateyan rave dikin û aliyên perwerdeyê hewl didin pirrengiya çandî û zimanî bi pêş bixin.
Ev nivîs 84 car hatiye xwendin.
