Biryareke din a balkêş ji Trump: Ew ê li Qesra Spî maçek UFC bê lidarxistin
PeyamaKurd – Serokê Amerîkayê Donald Trump ragihand ku ew ê li Qesra Spî ji bo 4ê Tîrmehê maçek Ultimate Fighting Championship (UFC) li dar bixe.
Li gorî CNN, Trump di çalakiya "America 250" de ku li qada fuarê ya Des Moines, Iowa hate lidarxistin, gotarek pêşkêş kir.
Trump diyar kir ku Qesra Spî wê maçek UFC li dar bixe wekî beşek ji pîrozbahiyên salvegera 250an a îmzekirina Danezana Serxwebûna Amerîkayê.
Trump maçê wekî "şerê şampiyoniyê" bi nav kir û got ku 20 heta 25 hezar kes wê beşdarî çalakiyê bibin.
Trump got, "Her yek ji qadên şer ên parka me ya neteweyî û deverên dîrokî wê çalakiyên taybetî ji bo rûmeta 'America 250' li dar bixin," û destnîşan kir ku di pîrozbahiyan de wê hin çalakiyên werzîşê yên profesyonel û amator jî hebin.
Berdevka Qesra Spî Karoline Leavitt di daxuyaniyekê de plana maça UFC piştrast kir û got ku Serok Trump "pir cidî ye".
Tê zanîn ku Serokê Amerîkayê Trump têkiliyên demdirêj bi CEOyê UFCê Dana White re hene.
