Trump û Netanyahu bi rêya telefonê axivîn
PeyamaKurd – Li gorî rapora ajansa nûçeyan a Sputnikê, di navbera Serokê Amerîkayê Donald Trump û Serokwezîrê Îsraîlê Benjamin Netanyahu de hevdîtineke telefonî ya krîtîk çêbûye.
Li gorî nûçeya AAyê, rayedarekî Qesra Spî piştrast kir ku Trump û Netanyahu bi rêya telefonê axivîne lê derbarê hevdîtinê de hûrgilî nedaye.
Îsraîl û DYAyê hîn daxuyaniyeke berbiçav derbarê civînê de nedane, ku tê de pirsên li ser beşdarbûna DYAyê di êrîşa Îsraîlê ya li ser Îranê de derketin holê.
Ji aliyekî din ve, ji Qesra Spî ti daxuyaniyek nehat dayîn ka Trump, ku piştî nîvro bi dema herêmî tîma xwe ya ewlehiya neteweyî li Odeya Rewşan civand, wê îşev derbarê rageşiya Îsraîl-Îranê de daxuyaniyek bide an na.
Berdevka Wezareta Derve ya Amerîkayê Tammy Bruce di 17ê Hezîranê de di daxuyaniyekê de ragihand ku yekîneyeke bi navê Hêza Peywirê ya Rojhilata Navîn ji bo misogerkirina ewlehiya welatiyên Amerîkayê li hember xetereyên ku piştî êrîşên Îsraîlê yên li ser Îranê li herêmê derketine holê, hatiye damezrandin.
