PDKyê ji bo Qurbaniyên Enfalê ji Bexdayê daxwaza tezmînatê kir

PeyamaKurd – Fraksiyona Partiya Demokrat a Kurdistanê (PDK) di salvegera 42yemîn a komkujiya Enfalê de daxwaz ji hikûmeta federal a Iraqê kir ku tezmînatê bide malbatên zêdetirî 8,000 Kurdên Barzanî yên ku di salên 1980yî de ji aliyê rejîma Sedam Husên ve hatin qetilkirin.

PDKyê ev tawan wekî “yek ji hovantirîn sûcên li dijî mirovahiyê” bi nav kir. Di daxuyaniyeke fermî de, PDKyê bal kişand ser giringiya edaletê û got:

“Îro em bi hurmet û xemgînî şehîdên Enfalê bi bîr tînin, ku tenê ji ber nasnameya xwe ya Kurdî bûn hedef. Çîrokên wan ên trajîk di wijdanê gelê Kurd de zindî ne.”

Partiyê herweha bang li Bexdayê kir ku li dijî bîrdoziyên şovenîst, ku yekîtiya Iraqê tehdît dikin, helwesteke tund nîşan bide. PDKyê hişyarî da li dijî hewldanên têkbirina maf û destkeftiyên destûrî yên Herêma Kurdistanê û daxwaz kir ku kesên berpirsyar bên cezakirin.

 

 

 

Ev nivîs 89 car hatiye xwendin.