Serokwezîr Mesrûr Barzanî bi şanda danûstandinê ya Herêma Kurdistanê re civiya
PeyamaKurd – Serokwezîr Mesrûr Barzanî bi şanda Hikûmeta Herêma Kurdistanê re civiya, ku bi şanda hikûmeta federal re hevdîtin pêk anî.
Di daxuyaniyekê de ku ji hêla hikûmetê ve roja Yekşemê 31ê Tebaxa 2025an hate weşandin, hate ragihandin ku Serokwezîr Mesrûr Barzanî bi şanda Hikûmeta Herêma Kurdistanê re civiya, ku bi şanda hikûmeta federal re hevdîtin pêk anî.
Şandeyê hûrguliyên nîqaşên xwe yên bi hikûmeta federal re li ser mijarên teknîkî û qanûnî pêşkêşî Serokwezîr kirin û diyar kirin ku wan daneyên bêkêmasî û agahdariyên li ser hemî mijaran pêşkêşî Bexdayê kirine û ravekirinên têrker dane.
Di civînê de girîngiya berdewamiya danûstandinan û lezandina pêvajoya danûstandinan ji bo misogerkirina mafên destûrî, qanûnî û darayî yên Herêma Kurdistanê hate tekezkirin.
