پەیامی کورد   ...   گەمارۆوە نوێیەکانی ئەمریکا بۆ سەر تۆڕی قاچاخی نەوتی کۆماری ئیسلامی لە عێراق

وەزارەتی گەنجینەی ئەمریکا ڕۆژی سێشەممە ١١ی خەرمانان ڕایگەیاند کە كەسێك و ٧ کۆمپانیا و ٩ نەوتكێشی بەهۆی ڕۆڵیان لە قاچاخی نەوتی ئێران و دەور لێدانەوە لە سزاکان كردووەتە ئامانج.

بەگوێرەی ڕاگەێندراوێکی فەرمانگەی کۆنترۆڵ کردنی دارایی یە دەرەکییەكان (OFAC)، ئەو کەسەی سزادراوە ناوی وەلید خالید حەمید ئەلسامەرایی یە، کە بازرگانێکی عێراقی-کۆوەیتی یە و لە ئیمارات نیشتەجێ یە و بەڕێوەبردنی تۆڕێکی کەشتیوانی و بازرگانی نەوتی لە ئەستۆ دایە.

ئەو تۆڕە بە تێکەڵکردنی نەوتی ئێران لەگەڵ نەوتی عێراق و فرۆشتنی وەک نەوتی عێراقی، سەدان ملیۆن دۆلار داهاتی بۆ کۆماری ئیسلامی و ئەلسامەڕایی دابین كردووە.

وەزارەتی خەزێنەداری زیادی كرد، ئەو تۆڕە لە چەندین نەوتكێش بە ئاڵای لیبریا بۆ گواستنەوەی کەشتی بە کەشتی لە کەندئاوی فارس و عێراق كەڵكی وەرگرتووە و بە تۆماركردنی كۆمپانیاكان لە دوورگەكانی مارشاڵ، خاوەندارییەتی ڕاستەقینەی نەفتكێشەكانی شاردووەتەوە.

هەروەها ئەو نەفتكێشانە لە ڕێگەی شێوازەکانی وەک گواستنەوەی شەوانە، ساختەکردنی سیستەمی ناسینەوەی AIS، چالاكییە نایاسایی یەكانی خۆیان شاردووەتەوە.