Di êrîşên Îranê de 10 sivilên îsraîlî can dan
PeyamaKurd– Hate ragihandin ku di êrîşên şevê din ên Îranê de ku bi mûşekên hîpersonîk û balîstîk li ser Îsraîlê hatin kirin, bi giştî 10 kes mirin.
Li gorî zanyariyan, mûşekek li bajarê Bat Yamê li avahiyeke niştecihbûnê ket û di encamê de 6 kes mirin. Herwiha, li bajarê Tamra jî 4 kesên ji heman malbatê jiyana xwe ji dest dan.
Hêjayî gotinê ye, şeva borî hêzên Îranê bi mûşek û dronan êrîşî bajarên Tel Avîv, Hayfa, Bat Yam û Tamrayê kir.
Hêzên Parastina Îsraîlê (IDF) jî ragihand ku di saeta dawî de 7 dronên ku ji Îranê ber bi Îsraîlê ve hatibûn şandin, hatine bêbandorkirin.
Ev nivîs 95 car hatiye xwendin.
