"Em ê bi awayekî çalak beşdarî hikûmeta nû bibin"
PeyamaKurd - Cîgira Seroka Partiya Çaksazîya Tirkmenî (TRP) Muna Kahveci diyar kir ku divê xebatên parlementoyê di zûtirîn dem de dest pê bikin û Tirkmen dê bi awayekî çalak beşdarî hikûmeta nû bibin.
Muna Kahveci tekez kir ku pêwîst e xebatên parlementoyê di zûtirîn dem de dest pê bikin û got, "Herêma Kurdistanê ji bo cara yekem posta sekreterê parlementoyê da Tirkmenekî, di asta navneteweyî de hat pîrozkirin. Ev gav ji hêla civaka Tirkmenan ve hat pêşwazîkirin, lê mixabin, hikûmeta Iraqê mafê xwe nedaye Tirkmenan."
Kahveci diyar kir ku heke di navbera aliyan de lihevkirinek çêbibe, Parlamentoya Kurdistanê wê di nav çend saetan de serokê xwe hilbijêre û herwiha tekez kir ku Tirkmen wê bi awayekî çalak beşdarî hikûmeta nû bibin.
