Hêzên Amerîkayê Herêma Kesk a Bexdayê û balafirgehê vala dikin û vedikişin

PeyamaKurd- Piştî agahiyên vekişîna hêzên Amerîkayê ji baregehên Iraqê, îro 29ê Tebaxê jî medya Iraqê ragihand ku sibe 30yê Tebaxê roja Şemiyê hêzên Amerîkî yên li Bexdayê vedikişin.

Li gorî ragihandina kanala Hedesê ku dispêre çavkaniyekê, roja Şemeyê hêzên Amerîkayê ji Bexda ya paytexta Iraqê vedikişin.

Hate diyarkirin ku sibe hêzên Amerîkayê ji binkeya fermandariya operasyonên hevbeş a Bexdayê vedikişin.

Heman çavkaniyê ji kanalê re daye zanîn ku sibe hêzên Amerîkayê Herêma Kesk a Bexdayê (Cihê saziyên serekî yên dewletê) û Balefirgeha Bexdayê vedikişin û vala dikin.

Hêjayî gotinê ye, berî çend rojan hêzên Amerîkayê ji binkeya leşkerî ya Eyn Esedê vekişiyabûn û ber bi baregehên xwe yên li sînorê Hewlêrê û Sûriyê ve çûbûn.

Ev nivîs 117 car hatiye xwendin.