SOHR: Li sînorê Kobanîyê kesek bi guleyên cendermeyên Tirk hate kuştin
PeyamaKurd- Hate ragihandin ku li ser sînorê bajarê Kobanî yê Rojavayê Kurdistanê, cendermeyên Tirk gule bi ser kesên xwestine bi qaçaxî derbas bibin de reşandine û kesek di encamê de hatiye kuştin û yekî din jî birîndar bûye.
Çavdêriya Mafên Mirovan a Sûriyê (SOHR) ragihandiye ku 27ê Tebaxê bûyer, li nêzîkî gundê Keltebê yê li rojhilatê Kobaniyê rû daye.
Hate ragihand ku piştî bûyerê, Hêzên Sûriya Demokratîk (HSD) 17 kes û Hêzên Ewlehiya Navxwe (Asayîş) jî 4 kesên din desteser kirine ku piraniya wan xelkê Dêrezorê ne.
SOHRê diyar kiriye ku Çileya 2025an jî 2 kes bi guleyên cendermeyên Tirkiyeyê hatine kuştin û 15 kesên din ku jinek jî di nav wan de ye birîndar bûne.
Hate gotin ku hemû qurbanî di dema hewldana derbasbûna sînor de hatine armanckirin.
Ev nivîs 90 car hatiye xwendin.
