Li Dêrsimê êrîşa çekdarî çêbû: kesekî mir û yek jî birîndar bû

PeyamaKurd – Hasan T. berê li Dêrsimê xwediyê xwaringehekî bû û nayê zanîn bê xwaringehê firotibû an dewrê hinekan kiribû lê ber destê êvarê avêt ser xwaringeha navborî û bi demançê kesekî kuşt û yekî jî birîndar kir. Polîsekî ku li xwaringehê bû êrîşker girt.

Êrîşker Hasan T. dema avêt ser xwaringehê kesê bi navê Hasan Ç. kuşt û Ali İhsan B. giran birîndar kir. Polîsê ku tesadufen li xwaringehê bû, demança destê Hasan T. jê sitend û ew teslîmê polîsên çûn ciyê bûyerê kir.

Ali İhsan Bayır ê ku giran birîndar bû, tîmên tenduristiyê ew birin nexweşxana dewletê ya Dêrsimê û hat ragihandin ku jiyana Bayır di xeterê de ye.

Êrîşker Hasan T. niha di bin çav de ye û lêpirsîna li ser bûyerê dewam dike.

Ev nivîs 76 car hatiye xwendin.