Li Duhokê şûnwarekî dîrokî yê 2300 sal berê hate dîtin

PeyamaKurd- Hate ragihandin ku ji ber sedema kêmbûna asta ava bendava Mûsilê, şûnwarekî dîrokî li nêzîkî gundê Xankê ya kevin hate dîtin ku tê de, nêzîkî 40 gor û cihê bajarê Helen Cîty ku dîroka wê digihe 2300 sal berê ye.

Rêveberê şûnwarê parêzgeha Duhokê Dr. Bêkes Birîfkanî derbarê vedîtina şûnwarê dîrokî de got: ‘’ji ber daketina asta ava bendava Mûsilê, li nêzîk gundê Xankê ya kevin a li sînorê parêzgeha Duhokê, şûnwarên bajarekî kevin hate dîtin ku dîroka wê derdora 2300 sal berî niha ye.’’

Birîfkanî da zanîn ku li gor lêkolînan şûnwarê hatiye dîtin bajarê Helen Cîty e û nêzîkî 40 gorên dîrokî di wî şûnwarî de hatine dîtin.

Li gorî nûçeya BasNewsî wê sibe 30yê Tebaxê civîneke çapemeniyê li ser vedîtina dîrokê bê lidarxistin û em zanyariyên hûr û zêdetir bên ragihandin.

Ev nivîs 112 car hatiye xwendin.