Îsraîlê ‘Xeze’ wekî herêma xetarnak a şer ragihand
PeyamaKurd- Artêşa Îsraîlê bajarê Xezeyê wekî herêmeke şer a xeternak ragihand û diyar kir, niha agirbesta demkî ya ku rojane ji bo hêsankirina belavkirina alîkariyan Xezeyê li xwe nagire.
Li gorî daxuyaniyê artêşê "dest bi amadehiyên destpêkê" yên ji bo kontrolkirina bajarê Xezeyê kiriye ku nêzîkî milyonek Filistînî lê dijîn.
Berdevkê Artêşê Avichay Adraee li ser hesabê xwe yê platforma Xê got ku wan "derbên giran" li Hemasê dane û êrîşên wan ji bo derbasbûna qonaxa bê ya şer didomin.
Adraee wiha got: “Em li bendê namînin. Me dest bi operasyonên destpêkê û qonaxên yekem ên êrîşa li Xezeyê kirine. Em niha li derdorên bajêr bi awayekî dijwar tevdigerin.”
Ev nivîs 94 car hatiye xwendin.
