Rejîma Îranê li girtîgeha Qizilhesarê 5 girtiyên Kurd bi dar ve kirin

PeyamaKurd – Li gorî agahiyên ku ji Saziya Mafên Mirov a  Hengawê hatine wergirtin, roja Çarşemê, 27ê Tebaxa 2025an, li Girtîgeha Qizilhesarê ya bajarê Kerecê,  5 girtiyên Kurd hatin bidarvekirin.

Girtiyên Kurd ên ku cezayê darvekirinê li wan hat cîbicîkirin, weke Feramerz Şehbazî, Ehmedelî Mêhrîpûr, Kazim Fatimî, Husên Biyabanî û Fireydûn Mihemedî hatin diyarkirin.

Hengawê ragihand ku her 5 girtî jî  tohmet û hincetên wekî "bazirganiya madeyên hişbir" û "kuştina bi qest" ji aliyê Dezgeha Dadwerî ya Rejîma Komara Îslamî ya Îranê ve bi îdamê hatibûn mehkûmkirin.

Heta niha medyayên fermî yên rejîmê derbarê van darvekirinan de tu agahî belav nekirine û bêdengiya xwe diparêzin.

Ev nivîs 105 car hatiye xwendin.