Larîcanî wek Sekreterê Konseya Bilind a Ewlekariya Neteweyî ya Îranê hat tayînkirin
PeyamaKurd - Elî Larîcanî li şûna Elî Ekber Ehmediyan wek Sekreterê Giştî yê Konseya Bilind a Ewlekariya Neteweyî hat tayînkirin.
Serokê Îranê Mesûd Pezeşkiyan Elî Larîcanî, şêwirmendê payebilind ê Rêberê Bilind ê Îranê Elî Xamineyî û Serokê berê yê Parlamentoyê, wek Sekreterê Giştî yê Konseya Bilind a Ewlekariya Neteweyî tayîn kir.
Elî Ekber Ehmediyan ji 22ê Gulana 2023an vir ve wek Sekreterê Giştî yê Konseya Bilind a Ewlekariya Neteweyî kar dikir.
Ajanseke nûçeyan a Fars ragihand ku Sekreterê Konseya Bilind a Ewlekariya Neteweyî wê were guhertin û Konseya Parastina Neteweyî wê were damezrandin.
Di raporê de hat ragihandin ku Şêwirmendê Elî Xamineyî, Elî Larîcanî wê wek Sekreterê Giştî yê Konseya Bilind a Ewlekariya Neteweyî were tayînkirin.
